భద్రకాళి అమ్మవారిని దర్శించుకున్న మోగ్లీ చిత్ర బృందం
కాకతీయ, వరంగల్ సిటీ : వరంగల్ మహానగరంలోని చరిత్ర ప్రసిద్ధ శ్రీ భద్రకాళీ దేవస్థానంను సోమవారం మధ్యాహ్నం ఇటీవల విడుదలైన మోగ్లీ చిత్రం హీరో రోషన్ కనకాల, హీరోయిన్ సాక్షి మడోల్కర్ మరియు చిత్రం యూనిట్ సభ్యులు దర్శించుకున్నారు. ఈ సందర్భంగా రోషన్, సాక్షి మడోల్కర్ మోగ్లీ చిత్రం పెద్ద హిట్ కావాలని అమ్మవారికి ప్రత్యేక పూజలు నిర్వహించారు. పూజ అనంతరం ఆలయ స్నపన మండపంలో మహదాశీర్వచనం నిర్వహించి, ఆలయ ఈ.ఓ రామల సునీత అమ్మవారి శేషవస్త్రములు బహూకరించి, ప్రసాదాలు అందజేశారు. కార్యక్రమంలో ఆలయ ధర్మకర్తలు తానుపునూరి వీరన్న, గాదె శ్రవణ్ కుమార్ రెడ్డి, మోతుకూరి మయూరి రామేశ్వర్రావు, గౌండ్ల స్రవంతి, అసంతుల శ్రీనివాస్, పర్యవేక్షకులు కొంతికుమార్ మరియు సిబ్బంది పాల్గొన్నారు.
