ఒక అడుగు గాంధీ’ యాత్ర‌లో పాల్గొన్న యాదవరాజుకు సన్మానం
కాకతీయ, కరీంనగర్ : ‘ఒక అడుగు గాంధీ’ పాదయాత్రలో పాల్గొన్న నిఫా రాష్ట్ర అధ్యక్షులు యాదవ రాజును మాజీ కార్పొరేటర్, నిఫా రాష్ట్ర కార్యదర్శి కోలగని శ్రీనివాస్ మిత్రబృందంతో కలిసి ఘనంగా సన్మానించారు.సన్మాన కార్యక్రమంలో యాదవరాజు మాట్లాడుతూ.గురువుల ప్రేరణ, స్కౌట్స్, ఎన్ఎస్ఎస్, ఎన్ వై పి , నిఫా వంటి సంస్థల ప్రభావం తన సేవా యాత్రకు బలమని చెప్పారు. వివేకానంద, గాంధీ జీవితాలు తనపై ప్రత్యేక ముద్ర వేశాయని పేర్కొన్నారు.కోలగని శ్రీనివాస్ మాట్లాడుతూ.అక్టోబర్ 2న వారణాసి నుంచి ప్రారంభమైన ఈ పాదయాత్ర నవంబర్ 26న న్యూఢిల్లీలో ముగిసిందని, తెలంగాణ నుంచి ఏడుగురు ఎంపికయ్యారని తెలిపారు. యాదవరాజు 35 ఏళ్లుగా స్వచ్ఛంద, సామాజిక సేవలో చురుకుగా పాల్గొంటూ యువతకు స్ఫూర్తిగా నిలుస్తున్నారని అభినందించారు. ఎన్వైపి రాష్ట్ర కోశాధికారి గొల్ల తిరుపతి మాట్లాడుతూ.యాదవరాజు దేశసేవలో యువతను ప్రేరేపించే సామాజిక కార్యకర్త అని ప్రశంసించారు.కార్యక్రమంలో సత్యనారాయణ, కొలగని శ్రవణ్, వేల్పుల సాయికిరణ్, రాహుల్, చందన్ తదితరులు పాల్గొన్నారు.
