దేశంలో యువశక్తికి కొదవలేదు..

దేశంలో యువశక్తికి కొదవలేదు..
ఎంపీ వద్దిరాజు రవిచంద్ర
ఘనంగా యూనిటీ రన్​

కాకతీయ, ఖమ్మం ప్రతినిధి: భారతదేశంలో యువశక్తికి కొదవలేదని రాజ్యసభ సభ్యుడు వద్దిరాజు రవిచంద్ర అన్నారు. ప్రపంచంలో యువత ఎక్కువ సంఖ్యలో ఉన్న దేశాల్లో భారత్ ఒకటని, వారి శక్తిని సద్వినియోగం చేసుకుంటే మరింత గొప్పగా అభివృద్ధి చెందుతామన్నారు. స్వర్గీయ మాజీ ఉప ప్రధాని సర్దార్ వల్లభాయ్ పటేల్ 150వ జయంతోత్సవాల సందర్భంగా కేంద్ర యువజన వ్యవహారాలు,క్రీడల మంత్రిత్వ శాఖ ఆధ్వర్వ్యంలో ‘ఏక్ భారత్-ఆత్మనిర్భర్ భారత్’పేరిట ఖమ్మంలో మంగళవారం ఏర్పాటు చేసిన యూనిటీ రన్ కు ఎంపీ రవిచంద్ర ముఖ్య అతిథిగా హాజరయ్యారు. ఈ సందర్భంగా పటేల్ చిత్రపటానికి పూలమాల వేసి నివాళులర్పించారు. అనంతరం పచ్చజెండా ఊపి యూనిటీ రన్ ప్రారంభించారు. ఈ సందర్భంగా ఆయన మాట్లాడుతూ విద్యార్థులు, యువత తమ విలువైన సమయాన్ని వృథా చేయకుండా చదువుతో పాటు క్రీడల్లో రాణించాలన్నారు. క్రమశిక్షణ,పట్టుదల, కార్యదీక్షతో ఏదైనా సాధించవచ్చన్నారు. కార్యక్రమంలో మాజీ ఎమ్మెల్సీ, బీజేపీ నాయకుడు పొంగులేటి సుధాకర్ రెడ్డి, మేరా యువ భారత్ ఖమ్మం జిల్లా డిప్యూటీ డైరెక్టర్ చింతల అన్వేష్ పాల్గొన్నారు.