మట్టి వ్యాపారుల మధ్య ఆధిపత్య పోరు

మట్టి వ్యాపారుల మధ్య ఆధిపత్య పోరు
రెండు వర్గాల వారు అధికార పార్టీ నాయకులే కావడం గమనార్హం
మెడికల్ కాలేజి పనులపేరుతో అక్రమ తవ్వకాలు

కాకతీయ, ఖమ్మం ప్రతినిధి: ఖమ్మం నగరంలో బల్లేపల్లి రెవిన్యూ పరిధిలో ప్రభుత్వ మెడికల్ కాలేజి పనుల్లో మట్టి వ్యాపారుల మధ్య ఆధిపత్య పోరు బయట పడింది. స్థానిక మంత్రి ఇలాకా కావడంతో మట్టి వ్యాపారస్తుల మధ్య ఆధిపత్య పోరు షోషల్ మీడియా లో పెద్ద చర్చనీయాంశంగా మారింది.ఇరువర్గాలకు అధికార పార్టీ నాయకులు కొమ్ము కాయడం వెనుక ఎవ్వరు ఉన్నారో తెలియాల్సి ఉంది. ఇద్దరు మట్టి వ్యాపారస్తుల మధ్య ఘర్షణ అధికార పార్టీ నాయకుల్లో చర్చకు దారితీసింది.మెడికల్ కాలేజీ పక్కన భూమి లెవెల్ చేసే సాకుతో అక్రమ మట్టి తవ్వకాలు జరుపుతున్నట్లు ఆరోపణలు వెల్లువెత్తుతున్నాయి.ఖమ్మం నియోజకవర్గంలోనీ కొంతమంది నాయకుల అండదండలతో గత ఎనిమిది నెలలుగా ఏదేచ్చగా
మట్టి తవ్వకాలు జరుపుతున్న అధికారులు అటువైపు కన్నెత్తి చూడకపోవడం పై పలు అనుమానాలు వ్యక్తమవుతున్నాయి.తవ్వకాలకు మైనింగ్, రెవెన్యూ అధికారుల అనుమతి ఉందంటూనే పర్మిట్ పేపర్లు చూపించక పోవడం పై పలు అనుమానాలు తలెత్తుతున్నాయి.ఈ తవ్వకాల వెనుక పరోక్షంగా రెవెన్యూ, మైనింగ్ అధికారుల ప్రమేయం ఉందని అందుకే ఎన్ని పిర్యాదులు చేసినా అటువైపు అధికారులు కన్నెత్తి కూడా చూడరని ఆరోపణలు వినిపిస్తున్నాయి.