ఆయిల్ పామ్ తోటల సాగు బాగు..!
జిల్లా మేనేజర్ శశి కుమార్ వెల్లడి
కాకతీయ,తుంగతుర్తి : వరికి ప్రత్యామ్నాయంగా ఆయిల్ పామ్ తోటలను సాగు చేసి రైతులు అధిక ఆదాయం పొందాలని పతంజలి ఆయిల్ పామ్ కంపెనీ సూర్య‌పేట జిల్లా మేనేజర్ వి శశి కుమార్ కోరారు. శుక్రవారం మండల పరిధిలోని గోరెంట్ల గ్రామాల్లో ములుగు సౌమ్య వ్యవసాయ క్షేత్రం లో మొక్కలు నాటే కార్యక్రమం ను ప్రారంభించారు.ఈ సందర్బంగా అయన మాట్లాడుతూ ప్రస్తుతం మార్కెట్లో మంచి డిమాండ్ ఉన్న అయిల్ పామ్ తోటలను సాగు చేసినట్లు అయితే రైతులు ఆర్థికoగా అభివృద్ధి చెందవచ్చు అని అన్నారు. ఆయిల్ పామ్ తోటనాటిన నాలుగవ సంవత్సరం నుంచి దిగుబడి ప్రారంభమవుతుంది అని తెలిపారు.ఆయిల్ పామ్ సాగు చేసే రైతులకు ప్రభుత్వం బిందు సేద్యం, ఎరువులకి, అంతర పంటలకు రాయితీలు ఇస్తుందన్నారు. ఎరువులు మరియు అంతర పంటల యాజమాన్యానికి ఒక ఎకరానికి రూపాయలు 4200/- చొప్పున మొదటి నాలుగు సంవత్సరాలు ప్రోత్సాహకం గా డబ్బులు ఇవ్వబడుతుందని చెప్పారు. నమ్మకమైన నీటి వసతి గల రైతులు లాభదాయకమైన ఆయిల్ పామ్ పంటను సాగు చేసి, అధిక ఆదాయం పొందవచ్చునని తెలిపారు. ఒక ఎకరానికి దిగుబడి పది టన్నుల వరకు వస్తుందన్నారు.
ఈ కార్యక్రమంలో తుంగతుర్తి డివిజన్ ఫీల్డ్ ఆఫీసర్ పి అశోక్, శ్రీనివాస్, యుగేందర్,
క్షేత్ర సహాయకులు భద్రాచలం, కర్ణాకర్ గౌడ్ రైతులు పులుసు ప్రహలద్ తదితరులు పాల్గొన్నారు.
