సింగరేణి లో కబడ్డీ… కబడ్డీ
రెండో రోజు అదే జోరు
కాకతీయ, కొత్తగూడెం రూరల్ : సింగరేణి కొత్తగూడెం ఏరియా ఆధ్వర్యంలో శనివారం రెండవ రోజు కబడ్డీ పోటీలు జ‌రిగాయి. కొత్తగూడెం ఏరియా జనరల్ మేనేజర్ ఎం. షాలేం రాజు జిఎం (పర్సనల్) వెల్ఫేర్ అండ్ సిఎస్ఆర్ జి.వి కిరణ్ కుమార్ లు ప్రారంభించారు. ఈ సందర్భంగా కొత్తగూడెం ఏరియా జిఎం మాట్లాడుతూ కోల్ ఇండియా ఇంటర్ కంపెనీ కబడ్డీ టోర్నమెంట్ నిర్వహణ కొత్తగూడెం ఏరియా నందు నిర్వహించేందుకు అవకాశం క‌ల్పించిన సింగరేణి సంస్థ చైర్మన్ అండ్ మేనేజింగ్ డైరెక్టర్ కి ప్రత్యేక కృతజ్ఞతలు తెలిపారు. ఆదివారం ఉదయం మొదటి సెమీఫైనల్ డబ్ల్యుసిఎల్ వర్సెస్ ఎన్.సి.ఎల్ రెండవ సెమీఫైనల్ ఎస్.ఈ.సి.ఎల్ వర్సెస్. సి.సి.ఎల్ కు జరుగునుంది. ఈ మ్యాచ్లలో గెలుపొందిన కబడ్డీ టీంలకు మధ్యాహ్నం ఫైనల్ మ్యాచ్ జరుగుతాయని అనంతరం పోటీలలో గెలిచిన టీం కి బహుమతులను సంస్థ ఉన్నతాధికారులతో బహుకరించడం జరుగుతుంద‌ని తెలిపారు. కార్యక్రమంలో జీఎంతో పాటు జిఎం(పర్సనల్) వెల్ఫేర్ & సిఎస్ఆర్ జి.వి.కిరణ్ కుమార్, ఎస్‌ఓ టు జిఎం జి.వి.కోటి రెడ్డి, డిజిఎం (పర్సనల్) లు జీ.వి. మోహన్ రావు, కేసా నారాయణ రావు, కొత్తగూడెం ఏరియా గుర్తింపు సంఘం(ఏ‌ఐ‌టి‌యూ‌సి) బ్రాంచ్ సెక్రటరీ వి. మల్లికార్జున రావు, ఐఎన్టీయూసీ వైస్ ప్రెసిడెంట్ ఎండి.రజాక్, కొత్తగూడెం ఏరియా అధికారుల సంఘం జనరల్ సెక్రెటరీ ఎ.ఉపేంద్ర బాబు, అధికారులు, యూనియన్ నాయకులు, స్పొర్ట్స్ మేనేజర్ కే.సునీల్ కుమార్, సూపర్వైజర్ లు, పర్సనల్, ఎస్&పి‌సి, ఈ&ఎం, సివిల్ శాఖల సిబ్బంధి, 8 బొగ్గు సంస్థల జట్ల క్రీడాకారులు పాల్గొన్నారు.
