కాకతీయ, నేషనల్ డెస్క్: ఢిల్లీలోని ఎర్రకోటలో భారీ దొంగతనం కలకలం రేపింది. ఇటీవల ఎర్రకోటలో ఓ మతపరమైన కార్యక్రమంలో రూ. కోటివిలవ చేసే రెండు కలశాలు చోరీకి గురైనట్లు అధికారులు తెలిపారు. సెప్టెంబర్ 3వ తేదీ ఉదయం ఎర్రకోటలో ఓ ఆధ్యాత్మిక కార్యక్రమం జరిగింది. కొద్ది రోజుల క్రితం ఎర్రకోటలో జరుగుతున్న రక్షణ పనులు (Renovation works) సందర్భంగా అధికారులు గోపురాలపై అమర్చిన కలశాలు కనిపించలేదని గమనించారు. వెంటనే ఆర్కియాలజికల్ సర్వే ఆఫ్ ఇండియా (ASI) అధికారులు పోలీసులకు ఫిర్యాదు చేశారు. ఈ కలశాలు చాలా పాతవి, చారిత్రాత్మక ప్రాధాన్యత కలిగినవని అధికారులు తెలిపారు.
ఫిర్యాదు అందుకున్న వెంటనే ఢిల్లీ పోలీసులు కేసు నమోదు చేసి దర్యాప్తు ప్రారంభించారు. ఎర్రకోటలో సీసీ కెమెరాలు ఉన్నప్పటికీ, కొన్ని కోణాల్లో ఫుటేజ్ స్పష్టంగా రాలేదని సమాచారం. దీంతో పోలీసులు దొంగలు ఎప్పుడెప్పుడు లోపలికి వచ్చి కలశాలను దొంగిలించారో గుర్తించడానికి ప్రత్యేక బృందాలను నియమించారు.ఈ బంగారు కలశాలు కేవలం మొత్తం విలువ పరంగా కాకుండా, చారిత్రాత్మకంగా కూడా అమూల్యమైనవిగా చెప్పుతున్నారు. మొఘల్ కాలంలో ఎర్రకోటను నిర్మించినప్పుడు ఈ అలంకరణలు గోపురాలపై అమర్చారు. తరువాత కాలంలో పలు మార్లు పునరుద్ధరణ పనులు జరిగినప్పటికీ, ఈ కలశాలు ప్రత్యేక రక్షణలో ఉండేవి. ఇప్పుడు అవి మాయం కావడం పెద్ద ఆందోళన కలిగిస్తోంది.
ఈ ఘటనపై కేంద్ర సాంస్కృతిక శాఖ కూడా సీరియస్ అయింది. ఎర్రకోట వంటి UNESCO ప్రపంచ వారసత్వ కట్టడంలో భద్రతా లోపాలు ఎలా జరిగాయన్నదానిపై సమగ్ర నివేదిక ఇవ్వాలని ఆదేశించింది. కలశాల మాయం విషయం బయటకు రావడంతో సోషల్ మీడియాలో ప్రజలు తీవ్ర ఆగ్రహం వ్యక్తం చేస్తున్నారు. ఇంతటి ప్రాముఖ్యమైన కట్టడంలో దొంగతనం జరగడం సిగ్గుచేటని నెటిజన్లు వ్యాఖ్యానిస్తున్నారు. పోలీసులు దొంగతనంపై అన్ని కోణాల్లో దర్యాప్తు చేస్తున్నారు. దొంగిలించబడిన బంగారు కలశాలను తిరిగి వెనక్కి తెచ్చే అవకాశం ఉందని ఆశాభావం వ్యక్తం చేస్తున్నారు. మరోవైపు ఎర్రకోట భద్రతను మరింత కఠినతరం చేయాలని కేంద్ర ప్రభుత్వం యోచిస్తోంది.
