క్రమశిక్షణతో విధులు నిర్వ‌ర్తించాలి
కాకతీయ, కొత్తగూడెం : సింగరేణి కాలరీస్ కంపెనీలోని వివిధ డిపార్ట్మెంట్ల వద్ద సింగరేణి సెక్యూరిటీ గార్డులు క్రమశిక్షణతో విధులు నిర్వర్తించినప్పుడే గుర్తింపు లభిస్తుందని సింగరేణి సెక్యూరిటీ మేనేజర్ మేనేజర్ ఎండి.జాకీర్ హుస్సేన్ తెలిపారు. కొత్తగూడెం ఎస్ అండ్ పిసి ట్రైనింగ్ సెంటర్ నందు ఆరు రోజులపాటు జరిగే 14వ బ్యాచ్ జమేదార్ల పున:శ్చరణ శిక్షణా తరగతుల కార్యక్రమాన్ని ఆయన సోమవారం ప్రారంభించారు. ఈ సందర్భంగా మాట్లాడుతూ సెక్యూరిటీ సిబ్బంది అందరికీ క్రమశిక్షణ అనేది ముఖ్యమన్నారు. మనం క్రమశిక్షణతో విధులు నిర్వహిస్తున్నపుడే గుర్తింపు వస్తుందని జమేదార్లు ఫ్రంట్ లైన్ సూపర్ వైజర్ గా కీలకపాత్ర పోషిస్తారని పేర్కొన్నారు. ఎస్ అండ్ పిసి ప్రధాన విధులలో సెక్యూరిటీ సిబ్బంది రోజువారీ కార్యకలాపాలను పర్యవేక్షించి వారిని సమన్వయంతో విధులను సమర్ధవంతంగా నిర్వహించేందుకు మార్గదర్శకత్వం వహించాలని సూచించారు. సెక్యూరిటీ సిబ్బంది అందరు మెరుగైన వృత్తి నైపుణ్యంతో అంకిత భావంతో విధులు నిర్వహిస్తూ సింగరేణి ఆస్తులు స్థలాలను పరిరక్షించాలని సమాజ సేవా కార్యక్రమాలు నిర్వహిస్తూ సమాజానికి ఆదర్శంగా నిలవాలని తెలిపారు. ఈ కార్యక్రమంలో ట్రైనింగ్ ఇన్స్పెక్టర్ డి.నారాయణరెడ్డి, ట్రైనింగ్ సెంటర్ సిబ్బంది పాల్గొన్నారు.
