తాగునీటి ట్యాంకును కూల్చొద్దు
బస్టాండ్ సెంటర్లో అయ్యప్ప దీక్ష పరుల ఆందోళన
కాకతీయ కొత్తగూడెం రూరల్ : భద్రాద్రి కొత్తగూడెం జిల్లా కేంద్రమైన కొత్తగూడెంలో గత నలభై ఏళ్లుగా ప్రజల దాహార్తిని తీరుస్తూ అయ్యప్ప భక్తులకు ఎంతో ఉపయోగపడుతున్న బస్టాండ్ సెంటర్లో ఉన్న వాటర్ ట్యాంక్ ను కూల్చడం నిర్మించుకోవాలని డిమాండ్ చేస్తూ గురువారం అయ్యప్ప దీక్ష పరులు ఆందోళన చేపట్టారు. ఈ సందర్భంగా బిజెపి కిషాన్ మోర్చా నాయకులు సాంబ గౌడ్ మాట్లాడుతూ కొత్తగూడెం జిల్లా కేంద్రం కాకముందు నుంచి 40 నుంచి మున్సిపల్ శాఖ అధికారులు ప్రజల దాహార్తి కోసం ఏర్పాటుచేసిన మంచినీటి ట్యాంకును ఒక వ్యాపారలావాదేవీల కోసం దారి ఏర్పాటు చేసేందుకు ఆర్టీసీ అధికారులు కూల్చివేసే ప్రయత్నం చేస్తున్నారని ఆరోపించారు. ప్రతి వేసవికాలంలో కొత్తగూడెం పట్టణ ప్రజానీకానికి బస్టాండ్ కు వచ్చే ప్రయాణికులకు దాహర్తిని తీర్చేందుకు ప్రతి సంవత్సరం అయ్యప్ప దీక్ష పరులకు కారు టాక్సీ వాళ్లకు కూడా ఈ వాటర్ ట్యాంక్ ఎంతో వినియోగంలో ఉంటుందని అన్నారు. అయ్యప్ప దేవాలయానికి సమీపంలో ఉన్న ఈ ట్యాంకును కూల్చివేయడం హిందుత్వాన్ని అవమానపరిచినట్లేనని వారు ఆరోపించారు. తక్షణమే వాటర్ ట్యాంకును కూల్చి వేసే ప్రయత్నాన్ని విరమించుకోవాలని డిమాండ్ చేశారు. ఈ కార్యక్రమంలో కారు టాక్సీ అధ్యక్షులు గొల్ల రవి కార్యదర్శి పిడుగు శ్రీనివాస్ తదితరులు పాల్గొన్నారు.
