సైన్స్ ఫెయిర్‌తో ప్ర‌తిభ వెలుగులోకి
ఎమ్మెల్యే కూనమనేని సాంబశివరావు
కాకతీయ, కొత్తగూడెం : సైన్స్ ఫెయిర్ ప్రదర్శనలు ప్రతి విద్యార్థి వరకు చేరిన నాడు ఈ ప్రదర్శన సఫలీకృతం ఐనట్టు అని అందుకు ఉపాధ్యాయులు కృషి చేయాలని కొత్తగూడెం శాసనసభ్యులు కూనంనేని సాంబశివరావు అన్నారు. 53వ జిల్లా స్థాయి విద్యా వైజ్ఞానిక ప్రదర్శనలో భాగంగా కొత్తగూడెం జిల్లా కేంద్రంలోని స్థానిక సెయింట్ మేరీస్ స్కూల్లో మూడు రోజులపాటుగా ఏర్పాటు చేసిన సైన్స్ ఫెయిర్ ప్రదర్శన కార్యక్రమాన్ని బుధవారం ఎమ్మెల్యే సాంబశివరావు సందర్శించి ప్రసంగించారు.
ఈ సైన్స్ ఫెయిర్ ఏర్పాటు చేసుకున్నందుకు జిల్లా కలెక్టర్ కి, జిల్లా విద్యా శాఖ అధికారికి మరి ఇతర బాధ్యులకు ప్రత్యేక అభినందనలు తెలుపుతున్నట్లుగా పేర్కొన్నారు. సైన్స్ ఫెయిర్ లు విద్యార్థులలో వైజ్ఞానిక పరిజ్ఞానం తాత్విక ఆలోచనలు సృజనాత్మక పెంపొందించుతాయని అన్నారు.
నేటి ఈ సైన్స్ ఫెయిర్ లే రేపటి మానవ జీవనానికి అధునాతన సౌకర్యాలకు మార్గాలు అని పేర్కొన్నారు. నేడు ప్రపంచ ఉపయోగిస్తున్న టెక్నాలజీ విద్యార్థుల ప్రయోగాలద్వారా అభివృద్ధి సాధించినదని తెలిపారు. ముందుగా సైన్స్ ఫెయిర్ ను ఎమ్మెల్యే ప్రారంభించి విద్యార్థుల ప్రయోగాలను పరిశీలించారు.
విద్యార్థుల ప్రయోగాలు అద్భుతం..
విద్యార్థుల ప్రయోగాలు అద్భుతమని భద్రాచలం శాసనసభ్యులు డాక్టర్ తెల్లం వెంకటరావు అన్నారు. జిల్లా స్థాయి విద్యా వైజ్ఞానిక ప్రదర్శనలో ఆయన పాల్గొని మాట్లాడారు. విద్యార్థులు అందరూ మంచి ప్రయోగాలు చేసి ప్రదర్శించుతున్నారని అన్నారు. ఇలాంటి ప్రదర్శనలు నిర్వహించడం వల్ల విద్యార్థుల్లో దాగి ఉన్న టాలెంట్ బయట పడుతుందని పేర్కొన్నారు. ఈ కార్యక్రమంలో ఇంకా కొత్తగూడెం ఎంఈఓ మధురవాణి, ప్రభత్వ పరీక్షల విభాగం జిల్లా కార్యదర్శి మాధవరావు, జిల్లా విద్యా శాఖ కో ఆర్డినేటర్లు సతీష్ , సైదులు, నాగరాజశేఖర్, జిల్లా పరీక్షల విభాగం కార్యదర్శి నీరజ, చుంచుపల్లి, జూలూర్పాడ్, లక్ష్మీదేవిపల్లి, చండ్రుగొండ మండల విద్యా శాఖ అధికారులు బాలాజీ, ఝుంకీలాల్, కృష్ణయ్య, సత్యనారాయణ వివిధ పాఠశాలల హెడ్ మాస్టర్లు సంజీవరావు, ద్రౌపది, వాణి, లక్ష్మి, వివిధ పాఠశాలల విద్యార్థులు మీడియా ఇంచార్జ్ రాములు, దస్తగిరి, జహంగీర్ షరీఫ్, రాజయ్య తదితరులు పాల్గొన్నారు.
