కోల్ ఇండియా కబడ్డీ విజేత డబ్ల్యూ సీఎల్ జట్టు
ముగిసిన కోల్ ఇండియా స్థాయి పురుషుల కబడ్డీ పోటీలు
ముగింపు వేడుకలకు హాజరైన సీఅండ్ఎండీ ఎన్ బలరాం
కాకతీయ ,కొత్తగూడెం రూరల్ : సింగరేణి కాలరీస్ కొత్తగూడెం ఏరియా ఆధ్వర్యంలో 2025-26 ఆర్ధిక సంవత్సరానికి గాను ప్రొఫెసర్ జయ శంకర్ స్టేడియం, రుద్రంపూర్ నందు గత 3 రోజు లుగ జరుగుతున్న కోల్ ఇండియా స్థాయి పురుషుల కబడ్డీ పోటీలు ఆదివారంతో ముగిశాయి . డబ్ల్యూ సి ఎల్ జట్టు కోల్ ఇండియా స్థాయి విజేతగా నిలిచింది. ముగింపు వేడుకలకు సింగరేణి సి అండ్ ఎం డి ఎన్ బలరాం హాజరై మాట్లాడారు. 2025-26 ఆర్ధిక సంవత్సరానికి సింగరేణి సంస్థ కోల్ ఇండియా స్థాయి పురుషుల కబడ్డీ విజయవంతంగా నిర్వహించుకోవటం చాలా సంతోషం అని గత మూడు రోజులుగా నిర్వహించిన పోటీలలో 8 అనుబంధ సంస్థలకు ప్రాతినిధ్యం వహిస్తున్న కబడ్డీ జట్టు క్రీడాకారులు పాల్గొన్న ఈ కబడ్డీ పోటీలలో క్రీడాకారులు అందరూ అద్భుతమైన క్రీడాస్ఫూర్తితో పాల్గొన్నారు అని అన్నారు.
క్రీడలలో గెలుపు ఓటములు సహజం అని తెలిపారు. కోల్ ఇండియా అనుబంధ సంస్థలు క్రీడకారులను ఎంతగానో పోత్సహిస్తూ దేశ వ్యాప్తముగా ఆటల పోటీలను నిర్వహిస్తూ క్రీడాకారులను ఎంతగానో ప్రోత్సహిస్తున్నదని తెలిపారు. క్రీడలలో పాల్గొనటం వలన శారీరకంగా కాకుండా మానసికం గా కూడా చాలా దృఢం గా ఉంటారని తెలుపుతూ పోటీలలో గెలుపొందిన డబల్యూసిఎల్, సింగరేణి ఎస్ఈసిీఎల్ క్రీడాకారులను అభినందించారు. కబడ్డీ పోటీలలో డబల్యూసిఎల్ విజేతగా నిలువగా, సింగరేణి సంస్థ టీం మొదటి రన్నర్ గా మరియు ఎస్ఈసింఎల్ రెండవ రన్నర్ గా నిలిచిన టీంలకు సంస్థ ఛైర్మన్ అండ్ మేనేజింగ్ డైరక్టర్ ట్రోఫీలను అందజేసి క్రీడాకారులకు శుభాకాంక్షలు తెలిపారు. పొరాడి ఓడిన జట్లు భాధపడకుండా, క్రీడా స్పూర్తితో మరింత పట్టుదలతో కృషి చేసి వచ్చే ఏడాది ట్రోఫీ ని గెలవాలని కోరారు. ఈ కార్యక్రమంలో సింగరేణి అధికారులు గుర్తింపు సంఘం నాయకులు తదితరులు పాల్గొన్నారు.
