జూలూరుపాడు పంచాయతీ ఎన్నికలు నిలుపుదల
కాకతీయ, జూలూరుపాడు : జూలూరుపాడు గ్రామపంచాయతీ ఎన్నిక ప్రక్రియను నిలిపివేస్తూ జిల్లా ఎన్నికల అధికారి(కలెక్టర్) జితేష్ వి. పాటిల్ ఆదేశాలు మేరకు మండల పరిషత్ అధికారులకు శనివారం ఉత్తర్వులు జారీ చేశారు. తెలంగాణ రాష్ట్రంలో జరుగుతున్న గ్రామ పంచాయతీ 2వ సాధారణ ఎన్నికల నేపథ్యంలో హైకోర్టులో పెండింగ్లో ఉన్న కేసు కారణంగా జూలూరుపాడు పంచాయతీ ఎన్నికకు
సంబంధించి ఎలాంటి ఎన్నికల ప్రక్రియ చేపట్టరాదని, తదుపరి ఆదేశాలు వచ్చేవరకు చర్యలు చేపట్టవద్దని సూచించారు. జూలూరుపాడు గ్రామ నివాసి తాళ్లూరి రామారావు తెలంగాణ హైకోర్టులో పిటిషన్ దాఖలు చేశారు. ఈ నేపథ్యంలోనే గ్రామపంచాయతీ ఎన్నికల నోటిఫికేషన్ విడుదలైంది. జూలూరుపాడు గ్రామపంచాయతీ ఎస్టీ మహిళకు కేటాయిస్తూ రిజర్వేషన్ ఖరారు చేశారు. మండలంలోని గ్రామపంచాయతీలకు మూడో విడతలో ఎన్నికలు నిర్వహించాల్సి ఉండగా, జూలూరుపాడుకు సంబందించి హైకోర్టులో పిటిషన్ ఉన్నందున ఎన్నికల ప్రక్రియ నిలిపి వేయాలంటూ జిల్లా కలెక్టర్ ఆదేశించారు.జూలూరుపాడు పంచాయతీ ఎన్నికలు నిలిపి వేయాలని ఆదేశాలు రావడంతో మండలంలో ప్రజల్లో చేర్చనీయంశంగా మారింది.
 జితేష్ వి. పాటిల్ ఆదేశాలు మేరకు){kind=link}