బతికున్నంత వరకు కేసీఆర్ చేయి వదిలేది లేదు
చావు నోట్లో తలపెట్టి తెలంగాణ తెచ్చాడు
తెలంగాణ వచ్చుడో కేసీఆర్ చచ్చుడో అనే నినాదంతో ఉద్యమం తార‌స్థాయికి
తెలంగాణ రాకుండా అడ్డుకున్న సమైక్యవాదులు
ఆనాడు రైఫిల్ పట్టుకుని తిరిగిన రేవంత్ రెడ్డి
మాజీ మంత్రి పువ్వాడ
కాకతీయ, ఖమ్మం ప్రతినిధి : నవంబర్ 29 దీక్ష దివస్ సందర్బంగా మాజీ మంత్రి పువ్వాడ అజయ్ కుమార్ భారీ మోటార్ సైకిల్ ర్యాలీ నిర్వహించి బిఆర్ఎస్ జిల్లా పార్టీ కార్యాలయం నందు ఏర్పాటు చేసిన సమావేశంలో పాల్గొన్నారు. అజయ్ కుమార్ మాట్లాడుతూ నవంబర్ 29 దీక్ష దివస్ తెలంగాణ రాష్ట్రం ఏర్పాటు కోసం జరిగిన ఉద్యమంలో ఒక కీలక గట్టం. తెలంగాణ సాధన కోసం కేసీఆర్ మొదలుపెట్టిన నిరాహార దీక్ష ఆనాడు చేసిన ఉద్యమం,నవంబర్ 29 కేసీఆర్ దీక్ష దివస్ తెలంగాణ చరిత్రను మలుపు తిప్పిన రోజని అన్నారు. కేసీఆర్ దీక్ష విరమించిన తరువాత 2009 నుంచి 2014 అప్పుడు కాంగ్రెస్ ప్రభుత్వం తెలంగాణ ఇవ్వకుండా కుట్ర చేసింద‌న్నారు. తెలంగాణ కోసం ఖమ్మంలో నిరాహార దీక్ష చేసినప్పుడు తప్పుడు ఆరోపణలు చేసి బలవంతంగా దీక్ష విరమించే ప్రయత్నం చేసారు.
కేసీఆర్ ఖమ్మం జైల్లో ఉన్నప్పుడు పువ్వాడ నాగేశ్వరరావు జైలుకు వెళ్ళి మద్దతు తెలిపారు.సిపిఐ పార్టీ ఎమ్ఎల్ పార్టీ ఉద్యమానికి మద్దతుగా నిలిచాయ‌ని అన్నారు. తెలంగాణ సాధించిన చరిత్ర రాబోయే తరాలకు తెలియజేయాలి.కేసీఆర్ ను వదిలేసి పోయినవాళ్ళు అందరు ద్రోహులు.కేసీఆర్,కేటీఆర్,
హరీష్ రావు ఆధ్వర్యంలో పార్టీని బలోపేతం చేద్దాం మళ్ళీ మంచి రోజులు వస్తాయ‌ని అన్నారు.
రాబోయేది 3.0 రప్పా.. రప్పా..
స్థానిక సంస్థల ఎన్నికల్లో ఎన్ని ఇబ్బందులు పెట్టిన వెనకాడొద్ద‌ని మాజీ మంత్రి పువ్వాడ అజయ్ కుమార్ అన్నారు. ముందు రాబోయేది 3.0 రప్పా.. రప్పా.. అంటూ కార్య‌క‌ర్త‌ల‌ను ఉత్సాహ ప‌రిచారు. కార్యక్రమంలో ఖమ్మం జిల్లా అధ్యక్షులు,ఎమ్మెల్సి తాత మధు, మాజీ ఎమ్మెల్యేలు సండ్ర వెంకటవీరయ్య,కందాల ఉపేందర్ రెడ్డి,బానోత్ చంద్రావతి,మాజీ జడ్పీ చైర్మన్ లింగాల కమలరాజు,మాజీ డిసిసిబి చైర్మన్ కూరాకుల నాగభూషణం,మాజీ మార్కెట్ చైర్మన్ గుండాల కృష్ణ,నగర అధ్యక్షులు పగడాల నాగరాజు,ప్లోర్ లీడర్ కర్నాటి కృష్ణ,డిప్యూటీ ప్లోర్ లీడర్ మక్బుల్,మాజీ గ్రంధాలయం చైర్మన్ ఖమర్,మాజీ సుడా చైర్మన్ బచ్చు విజయ్ కుమార్,జిల్లా మైనారిటీ అధ్యక్షులు తాజుద్దీన్ నాయకులు వెంకట్ రమణ,రామ్మూర్తి, తిరుమలరావు, కార్పొరేటర్లు, నాయకులు,కార్యకర్తలు పాల్గొన్నారు.
