పాఠశాలలో అధ్యక్షా…!
పిల్లలే ప్రజాప్రతినిధులుగా…
కూసుమంచి ఉన్నత పాఠశాలలో అట్టహాసంగా మాక్ పార్లమెంట్
ఆకట్టుకున్న చిన్నారులు
కాకతీయ, ఖమ్మం: విద్యార్థులే ప్రజాప్రతినిధులుగా అదరగొట్టారు. సభా పర్వాన్ని నిర్వహించి ఔరా అనిపించారు. ప్రధానమంత్రిగా , రాష్ట్ర పతి, ప్రతిపక్ష నేతలుగా చిన్నారులు ఆకట్టుకున్నారు. అసలైన పార్లమెంట్ ను తలపించేలా వాడీవేడిగా చ్చలు జరిపారు. భారత రాజ్యాంగ దినోత్సవం సందర్భంగా కూసుమంచి ఉన్నత పాఠశాలలో బుధవారం మాక్ పార్లమెంట్ మండల విద్యాధికారి, పాఠశాల ప్రధానోపాధ్యాయులు రాయల వీరస్వామి ఆధ్వర్యంలో అట్టహాసంగా నిర్వహించారు.తొలుత ప్రజాప్రతినిధుల ప్రమాణస్వీకారంతో కార్యక్రమం ప్రారంభమైంది.అనంతరం స్పీకర్ ఎన్నిక జరిగింది. అధికార, ప్రతిపక్ష పాత్ర పోషించి సభ్యులు ప్రశ్నల వర్షం, అధికారపక్షం సమాధానాలతో సందడిగా సాగింది. ప్రతిపక్ష నాయకులు సంధించిన ప్రశ్నలకు అధికార పక్షం వారు దీటుగా సమాధానాలు ఇచ్చారు. సుదీర్ఘంగా చర్చలు జరిపారు. బిల్లులను ప్రతిపాదించి ఆమోదించారు. రాష్ట్ర పతి ప్రసంగం ఆకట్టుకుంది. ఈ కార్యక్రమంలో మండల విద్యాధికారి, పాఠశాల ప్రధానోపాధ్యాయులు రాయల వీరస్వామి మాట్లాడుతూ.. మాక్ పార్లమెంట్ ఆసాంతం అసలైన పార్లమెంట్ తలపించిందన్నారు. మాక్ పార్లమెంట్ ద్వారా భారత రాజ్యాంగ విలువలు, పార్లమెంట్ సమావేశాలపై అవగాహన కలుగుతుందన్నారు. పార్లమెంట్ లో జరిగే చర్చలు వివిధ అంశాలను గురించి కులకశంగా తెలుసుకున్నారన్నారు. ఇటువంటి కార్యక్రమాల వలన నాయకత్వ లక్షణాలు అలవడుతాయన్నారు. ఈ సందర్భంగా విద్యార్థులకు బహుమతులు అందజేశారు. విద్యార్థులను మాక్ పార్లమెంట్ నిర్వహణకు ప్రత్యేక శ్రద్ధ చూపిన సాంఘిక శాస్త్రం ఉపాధ్యాయులు నూర్జహన్, శ్రీలక్షి, నరేశ్,
