సింగరేణిలో ఖాళీ పోస్టులకు రాత పరీక్ష
కాకతీయ, కొత్తగూడెం : సింగరేణి కాలరీస్ కంపెనీలో ఖాళీగా ఉన్న జూనియర్ సానిటరీ ఇన్స్పెక్టర్(టి అండ్ ఎస్ గ్రేడ్ -డి), జూనియర్ ఇన్స్పెక్టర్(టి అండ్ ఎస్ గ్రేడ్ -డి) పోస్టులను అంతర్గత అభ్యర్ధులతో భర్తీ చేసే దానిలో భాగంగా ఆదివారం సింగరేణి మహిళా డిగ్రీ పీజి కళాశాలలో వ్రాత పరీక్ష నిర్వహించటం జరిగింది. ఈ వ్రాత పరీక్ష సెక్యూరిటీ విజిలెన్స్ సిబ్బంది పర్యవేక్షణలో సి‌సి కెమెరాల నిఘా మధ్య నిర్వహించారు.
సింగరేణి మహిళా డిగ్రీ పీజి కళాశాలలో జరిగిన ఈ పరీక్షను జిఎం(పర్సనల్) ఈ‌ఈ అండ్ ఆర్‌సి ఏ‌జే‌ఎం మురళీధర్ రావు, హెచ్‌ఓ‌డి(విజిలెన్స్)పి.రాజీవ్ కుమార్ పర్యవేక్షించారు. పరీక్ష పూర్తిగా మెరిట్ పై ఆధారపడి ఉంటుందని దళారులకు ఎలాంటి ప్రమేయం ఉండదని వారిని నమ్మి ఎవరూ మోసపోవద్దని సూచించారు. ఈ పరీక్ష ఫలితాలు సింగరేణి వెబ్ సైట్ సింగరేణి ప్రధాన కార్యాలయ ముఖద్వారం వద్ద నోటీస్ బోర్డుద్వారా తెలియజేయటం జరుగుతుందని పేర్కొన్నారు. ఈ పరీక్ష నిర్వహణ పరీశీలనలో ఇంచార్జ్ జిఎం(పర్సనల్) వెల్ఫేర్ సిఎస్ ఆర్ జివి.కిరణ్ కుమార్, జిఎం(పర్సనల్) ఈ‌ఈ అండ్ ఆర్‌సి ఏ‌జే‌ఎం మురళీధర్ రావు, హెచ్‌ఓ‌డి( విజిలెన్స్)పి.రాజీవ్ కుమార్, డి‌జి‌ఎం(పర్సనల్) పి.వేణు గోపాలరావు, డి‌వైపి‌ఎం డి.నాగేశ్వర రావు, ఏరియా సెక్యూరిటీ అధికారి జాకీర్ హుస్సేన్, విజిలెన్స్ ఆఫీసర్లు ఎండి.గౌసుద్దీన్, బి.సమ్మయ్య, సీనియర్ పి‌ఓ పి.కాంతారావు, మహిళా డిగ్రీ కళాశాల ప్రిన్సిపల్ డాక్టర్ చింతా శారద, ఇతర అధికారులు, విజిలెన్స్ అండ్ సెక్యూరిటీ సిబ్బంది ఉద్యోగులు పాల్గొన్నారు.
, జూనియర్ ఇన్స్పెక్టర్(టి అండ్ ఎస్ గ్రేడ్ -డి) పోస్టులను){kind=link}