జాగృతిలోకి మహిళల చేరికలు
కాకతీయ, కరీంనగర్ : కరీంనగర్ జిల్లా సైదాపూర్ మండలం ఘనపూర్ గ్రామంలో జాగృతి సభ్యత్వ డ్రైవ్‌లో మహిళలు చేరారు. మండల మహిళా నాయకులు సుద్దాల రజినీ ఆధ్వర్యంలో జరిగిన ఈ కార్యక్రమంలో పలువురు మహిళలు జాగృతిలో చేరగా, వారికి జాగృతి జిల్లా అధ్యక్షులు గుంజపడుగు హరిప్రసాద్ కండువాలు కప్పి స్వాగతం పలికారు. గడప స్వరూప, పిట్టల సంగీత, కాసర్ల పద్మ, తాళ్లపల్లి విజయ, కుట్ల రామ్య, బాసరాజు లావణ్య, శాంతావ్వ, అందె లక్ష్మీ, కుమారస్వామి, తిరుపతి, లత, సుద్దాల మంజుల తదితరులు జాగృతిలో చేరిన వారిలో ఉన్నారు. ఈ సందర్భంగా జిల్లా అధ్యక్షులు హరిప్రసాద్ మాట్లాడుతూ. బడుగు, బలహీన వర్గాల అభ్యున్నతి, తెలంగాణ సంస్కృతి,సంప్రదాయాల పరిరక్షణ, మహిళల సమస్యల పరిష్కారం కోసం జాగృతి నిరంతరం కృషి చేస్తోందన్నారు. మహిళలకు 33% రిజర్వేషన్ సాధన కోసం కవిత ఢిల్లీలో చేసిన పోరాటం ఫలితమే మహిళా రిజర్వేషన్ బిల్లని తెలిపారు. కార్యక్రమంలో సైదాపూర్ మండల జాగృతి ఇంచార్జ్ హాస్నాబాద్ రాజ్‌కుమార్, మహిళా విభాగం నాయకురాలు జంగా అపర్ణ, ఆదివాసి జాగృతి జిల్లా అధ్యక్షులు కుతాడి శ్రీనివాస్, జాగృతి సీనియర్ నాయకులు రంగరవేణి లక్ష్మణ్ ముదిరాజ్ తదితరులు పాల్గొన్నారు.
