జూలై 9న ‘విశ్వంభర’ !
కాకతీయ, సినిమా డెస్క్: మెగాస్టార్ చిరంజీవి ఇటీవల ‘మన శంకర వర ప్రసాద్’ సినిమాతో మరోసారి తన స్టామినా ఏంటో నిరూపించారు. రీజనల్ స్థాయిలో భారీ విజయం సాధించిన ఈ సినిమా, చిరంజీవి కెరీర్లో మరో మైలురాయిగా నిలిచింది. ఈ సక్సెస్ జోష్లోనే ఇప్పుడు అభిమానుల చూపు అంతా ఆయన తదుపరి చిత్రం ‘విశ్వంభర’ పై పడింది. దర్శకుడు వశిష్ఠ తెరకెక్కిస్తున్న ‘విశ్వంభర’ ఒక విజువల్ గ్రాండ్ ఫాంటసీ చిత్రంగా రూపొందుతోంది. ఇటీవల జరిగిన ఓ మీడియా ఇంటరాక్షన్లో చిరంజీవి ‘విశ్వంభర’ రిలీజ్ టైమ్లైన్పై క్లారిటీ ఇచ్చినట్లు సమాచారం. ఈ సినిమా జూన్ లేదా జూలై నెలల్లో విడుదలయ్యే అవకాశాలు ఎక్కువగా ఉన్నాయని, దాదాపుగా జూలై 9వ తేదీని టార్గెట్ చేస్తున్నట్లు ఆయన హింట్ ఇచ్చారని టాలీవుడ్ వర్గాలు చెబుతున్నాయి. అధికారిక ప్రకటన ఇంకా రావాల్సి ఉన్నా, మెగాస్టార్ మాటలే అభిమానుల్లో కొత్త ఉత్సాహాన్ని నింపాయి. ఈ సినిమాకు ఆస్కార్ విజేత ఎం. ఎం. కీరవాణి సంగీతం అందిస్తున్నారు. యూవీ క్రియేషన్స్ సంస్థ ఈ చిత్రాన్ని భారీ బడ్జెట్తో నిర్మిస్తోంది. 2026 సమ్మర్ బాక్సాఫీస్ను మెగాస్టార్ షేక్ చేయడం ఖాయమనే అభిప్రాయం అభిమానుల్లో బలంగా వినిపిస్తోంది.
