కాంగ్రెస్ పార్టీ నుంచి ఇద్దరు సస్పెన్ష‌న్‌
కాకతీయ, నర్సంపేట : కాంగ్రెస్ పార్టీ లో గత కొన్ని రోజులుగా పార్టీ వ్యతిరేక కార్యకలాపాలకు పాల్పడుతున్ననర్సంపేట మాజీ సర్పంచ్ చిలువేరు రజినీ భారతి, జిల్లా మహిళా కాంగ్రెస్ కార్యదర్శి మాజీ వార్డు సభ్యులు తక్కలపెల్లి ఉమా ను ఇద్దరిని సస్పెండ్ చేస్తూ పట్టణ అధ్యక్షుడు బత్తినీ రాజేందర్ వెల్లడించారు. ఎమ్మెల్యే దొంతి మాధవరెడ్డి ఆదేశాల మేరకు కాంగ్రెస్ పార్టీ నుంచి శ‌నివారం బహిష్కరించిన‌ట్లు తెలిపారు. ఈ సందర్బంగా పట్టణ కాంగ్రెస్ అధ్యక్షులు బత్తిని రాజేందర్ మాట్లాడుతూ నేటి నుంచి వారికి కాంగ్రెస్ పార్టీతో గాని, పార్టీ కార్యకలాపాలకు ఎటువంటి సంబంధం ఉండదని అన్నారు.
