కాకతీయ, నేషనల్ డెస్క్: అమెరికా అధ్యక్షుడు డొనాల్డ్ ట్రంప్ ఆయన సతీమణి మెలానియా ట్రంప్ తరచుగా వార్తల్లో నిలుస్తుంటారు. ఈసారి వారి మధ్య జరిగిన గొడవ కారణంగా మారోసారి వార్తల్లో నిలిచారు. గతంలో ఫ్రాన్స్ అధ్యక్షుడు ఇమ్మాన్యూయేల్ మెక్రాన్ ధంతపులు గొడవపడిన వీడియో ఒకటి తీవ్ర చర్చనీయాంశంగా మారిన సంగతి తెలిసిందే. తాజాగా అమెరికా అధ్యక్షుడు ట్రంప్ తన సతీమణితో గొడపడిన వీడియో వైరల్ అవుతోంది. ఇటీవల ఒక హెలికాప్టర్ ప్రయాణంలో ట్రంప్ దంపతుల మధ్య మాటల యుద్ధం జరిగిందట. ప్రయాణం ఆరంభంలో అన్నీ సవ్యంగా ఉన్నా, కొద్ది సేపట్లో ఏదో చిన్న విషయంపై వాదన మొదలై, అది పెద్ద గొడవలా మారినట్లు సాక్షులు చెబుతున్నారు.
హెలికాప్టర్‌లో ఉన్న సిబ్బంది ప్రకారం, మెలానియా ట్రంప్ ఏదో అంశంపై అసహనం వ్యక్తం చేయగా, డోనాల్డ్ ట్రంప్ గట్టిగా స్పందించారని తెలుస్తోంది. ఇద్దరూ మధ్యలో ఒకరికొకరు ఎదురు మాటలు చెప్పుకున్నారని, ఆ వాతావరణం హెలికాప్టర్‌లో కాస్త ఉద్రిక్తంగా మారిందని సమాచారం. అయితే కొద్ది సేపట్లో పరిస్థితి శాంతించింది.
ఈ సంఘటన బయటకు రావడంతో సోషల్ మీడియాలో పెద్ద చర్చ మొదలైంది. ట్రంప్ జంట వ్యక్తిగత జీవితంపై ఎప్పుడూ మీడియా, ప్రజల్లో ఆసక్తి ఎక్కువగా ఉంటుంది. ప్రత్యేకించి మెలానియా ట్రంప్ పబ్లిక్ ఈవెంట్స్‌లో తక్కువగా పాల్గొనడం, వారి మధ్య సంబంధాలపై ఎప్పుడూ ఊహాగానాలకు దారితీస్తుంది. ఇప్పుడు హెలికాప్టర్ గొడవ వార్త మరింత హైలైట్‌గా మారింది.
?Journalists captured on video what appears to be an argument between Trump and his wife Melania
The footage shows the U.S. President wagging his finger at the First Lady, while she shakes her head in response.
It’s unclear what they were discussing on board the plane, but… pic.twitter.com/3xGwDXgrFu
— NEXTA (@nexta_tv) September 26, 2025
రాజకీయ విశ్లేషకుల అభిప్రాయం ప్రకారం, ట్రంప్ దంపతుల మధ్య చిన్న విభేదాలు ఉండటం సహజం. కానీ అవి బయటకు రావడం, ముఖ్యంగా ఎన్నికల సీజన్‌లో ఇలాంటి వార్తలు బయటపడటం ట్రంప్ ఇమేజ్‌పై ప్రభావం చూపే అవకాశం ఉందని చెబుతున్నారు. అయితే ట్రంప్ కుటుంబానికి దగ్గర వర్గాలు మాత్రం ఇది పెద్ద సమస్య కాదని, సాధారణ గృహ కలహంలా తీసుకోవాలని పేర్కొంటున్నాయి.
మొత్తానికి, హెలికాప్టర్‌లో జరిగిన ఈ గొడవ వార్త అమెరికా మీడియా, సోషల్ మీడియాలో చర్చనీయాంశమైంది. ప్రజలు ఎవరి వైపు నిలుస్తారో, ఈ వార్త రాజకీయంగా ట్రంప్‌పై ఎలాంటి ప్రభావం చూపుతుందో చూడాలి.
