మోగిన పంచాయతీ ఎన్నికల నగారా
కాకతీయ, తెలంగాణ బ్యూరో : పంచాయతీ ఎన్నికల నగారా మోగింది. పంఛాయతీ ఎన్నికలకు నగారా మోగింది.. తెలంగాణ పంచాయతీ ఎన్నికల షెడ్యూన్‌ను ఎన్నికల కమిషన్ ప్రకటించింది. ఇప్పటికే రిజర్వేషన్లకు సంబంధించి రాష్ట్ర ప్రభుత్వం ఈసీకి పూర్తి వివరాలు ఇవ్వడంతో.. ఎన్నికల నిర్వహణకు సంబంధించిన షెడ్యూల్‌ను ఈసీ విడుదల చేసింది.రాష్ట్రవ్యాప్తంగా డిసెంబర్ 11,14, 17 తేదీల్లో మూడు విడతల్లో ఈ ఎన్నికలు నిర్వహించనుండగా.. ప్రతి ఫేజ్‌కి నడుమ రెండు రోజుల వ్యవధి ఉంటుంది. ఈ రోజు నుంచే ఎన్నికల కోడ్ అమలులోకి వస్తుందని ఎన్నికల కమిషనర్ రాణి కుముదుని ప్రకటించారు. సర్పంచ్ ఎన్నికల షెడ్యూల్ విడుదల చేసిన రాష్ట్ర ఎన్నికల సంఘం బుధ‌వారం సాయంత్రం షెడ్యూల్‌ను విడుదల చేసింది. బుధ‌వారం నుంచి ఎన్నికల కోడ్ అమలులోకి వస్తుందని రాష్ట్ర ఎన్నికల కమిషన్ వెల్లడించింది. పంచాయతీ ఎన్నిక‌ల‌ను మూడు విడుత‌లుగా నిర్వ‌హించ‌నున్న‌ట్లుగా పేర్కొన్నారు. ఫేజ్ 1 లో భాగంగా 27 నవంబర్ నుండి నామినేషన్ స్వీకరణ 11 న పోలింగ్ జ‌రుగుతుంది. ఫేజ్2లో నవంబర్ 30 నుంచి నామినేషన్ స్వీకరణ డిసెంబర్ 14 న పోలింగ్ ఉండ‌నుంది. అలాగే మూడో ఫేజ్లో డిసెంబరు 3 నుంచి నామినేషన్ స్వీకరణ డిసెంబర్ 17 పోలింగ్ జ‌ర‌గ‌నుంద‌ని వెల్ల‌డించారు. తెలంగాణ రాష్ట్రంలోని 31 జిల్లాల్లోని 545 గ్రామీణ మండలాల్లోని 12,760 పంచాయతీలు, 1,13,534 వార్డుల్లో ఎన్నికలు జరగనున్నాయి.
