మహిళా సంక్షేమానికి ప్రభుత్వం పెద్దపీట!
ప్రభుత్వ విప్, డాక్టర్ జాటోతు. రామచంద్రు నాయక్,
కాకతీయ,మరిపెడ: అంగన్వాడీ కేంద్రాల బలోపేతానికి తెలంగాణ రాష్ట్ర ప్రభుత్వం ఎనలేని కృషి చేస్తుందని, మహిళా సంక్షేమానికి కాంగ్రెస్ ప్రభుత్వం పెద్దపీట వేస్తుందని, ప్రభుత్వ విప్, డోర్నకల్ ఎమ్మెల్యే డాక్టర్ జాటోతు. రామ చందర్ నాయక్ అన్నారు. బుధవారం మరిపెడ మున్సిపాలిటీ కేంద్రంలో మహిళా శిశు సంక్షేమ శాఖ ఆధ్వర్యంలో స్థానిక సిడిపిఓ ఎం.ఎల్లమ్మ అధ్యక్షతన సుమారు 20 మంది విద్యార్థులకు అంగన్వాడి స్కూల్ యూనిఫామ్, చిన్నారులకు అక్షరాభ్యాసం, అన్న ప్రసన్న కార్యక్రమాలను నిర్వహించారు. ఈ కార్యక్రమాలకు వారు ముఖ్యఅతిథిగా హాజరై మాట్లాడారు! తెలంగాణ రాష్ట్ర ప్రభుత్వం లో కాంగ్రెస్ పార్టీ అధికారంలోకి వచ్చిన రెండున్నర ఏళ్లలో అనేక ప్రజా సంక్షేమ కార్యక్రమాలను అమలు చేసిందన్నారు. అందులో భాగంగానే అంగన్ వాడి స్కూల్ పిల్లలకు యూనిఫాం, అంగన్వాడీ టీచర్లకు రెండు జతల యూనిఫామ్ చీరలను అందజేయడం జరిగిందన్నారు. పిల్లలకు యూనిఫామ్ తో పాటు స్నాక్స్ , పౌష్టికాహారంతో పాటు మధ్యాహ్న భోజనం, అందిస్తున్నమన్నారు. అర్హులందరూ ఈ సదుపాయాలను సద్వినియోగం చేసుకోవాలని కోరారు. ఈ కార్యక్రమంలో మున్సిపాలిటీ చైర్ పర్సన్ వీసారపు. ప్రగతి, శ్రీపాల్ రెడ్డి, వైస్ చైర్మన్ కాలం. సునీత ,రవీందర్ రెడ్డి, పెండ్లి. రఘువీరారెడ్డి, తాజుద్దీన్, ఎంపీడీవో వేణుగోపాల్ రెడ్డి, తాసిల్దార్ కొండపల్లి. కృష్ణవేణి,ఏసీడీపీఓ తేజ కళ్యాణి, సూపర్వైజర్లు రాజ్యలక్ష్మి, కవిత, మరిపెడ మున్సిపాలిటీ పట్టణం లోని అంగన్ వాడీ టీచర్లు, కాంగ్రెస్ పార్టీ నాయకులు, వార్డు కౌన్సిలర్లు మెరుగు. రాము, మండన్. కాంతమ్మ, జాటోతు. సురేష్, నీల తదితరులు పాల్గొన్నారు.
