‘స్థానిక’ పోరుకు మోగిన నగారా – ఎన్నికల షెడ్యూల్ విడుదల
కాకతీయ, తెలంగాణ బ్యూరో: రాష్ట్రంలో స్థానిక ఎన్నికలకు నరాగా మోగింది. ఈ మేరకు రాష్ట్ర ఎన్నికల సంఘం ఇవాళ ఎన్నికల షెడ్యూల్ విడుదల చేసింది. రాష్ట్ర ఎన్నికల కమిషనర్ రాణికుముదినీ సీఎస్ రామకృష్ణారావుతోపాటు ఉన్నతాధికారులతో కీలక భేటీ అయ్యారు. ఎన్నికల నిర్వహణ, ఎలక్షన్ బందోబస్తు, రిజర్వేషన్లపై ప్రధానంగా చర్చించారు. ఈ నేపథ్యంలోనే రాష్ట్ర ఎన్నికల సంఘం సోమవారం కీలక ప్రెస్ మీట్ నిర్వహించి ఎన్నికల షెడ్యూల్ ప్రకటించింది. ముందుగా ఎంపీటీసీ , జెడ్పీటీసీ ఎన్నికలు.. ఆ తర్వాత పంచాయతీ ఎన్నికలు జరుగుతాయి.. అక్టోబర్ 9వ తేదీన నోటిఫికేషన్.. అదే రోజు నామినేషన్లు ప్రారంభమవుతాయని ఎస్ఈసీ తెలిపింది.. మొదటగా రెండు విడతల్లో జడ్పీటీసీ, ఎంపీటీసీ ఎన్నికలు.. మూడు విడతల్లో పంచాయతీ ఎన్నికలు ప్రారంభమవుతాయని పేర్కొన్నారు.
– 31 జిల్లాల్లో 565 మండలాల్లో ఎన్నికల నిర్వహణ
– 5749 ఎంపీటీసీలు.. 565 జెడ్పీటీసీలు..
– మొత్తం గ్రామ పంచాయితీలు 12,733
– మొత్తం వార్డులు 1,12, 288
– రెండు విడతల్లో ఎంపీటీసీ, జెడ్పీటీసీ ఎన్నికలు
– మూడు విడతల్లో పంచాయతీ ఎన్నికలు
– అక్టోబర్ 23, 27న ఎంపీటీసీ, జెడ్పీటీసీ ఎన్నికలు
– అక్టోబర్ 31, నవంబర్ 4, 8 తేదీల్లో పంచాయతీ ఎన్నికలు
– నవంబర్ 11న ఎంపీటీసీ, జెడ్పీటీసీ ఎన్నికల ఫలితాలు
