సారా అర్జున్ సునామీ..
ప్రభాస్, విజయ్ను వెనక్కి నెట్టి టాప్ ప్లేస్కు!
కాకతీయ, సినిమా డెస్క్ : బాలీవుడ్ బాక్సాఫీస్ వద్ద ‘ధురంధర్’ సృష్టించిన సునామీ ఇంకా కొనసాగుతూనే ఉంది. అయితే ఈ స్పై యాక్షన్ థ్రిల్లర్ ఘనవిజయంతో ఒకప్పటి చైల్డ్ ఆర్టిస్ట్ సారా అర్జున్ ఇప్పుడు గ్లోబల్ స్టార్గా అవతరించింది. తాజాగా ఆమె ప్రపంచ ప్రఖ్యాతి గాంచిన ఐఎండీబీ ట్రెండింగ్ సెలబ్రిటీల జాబితాలో నెంబర్ 1 స్థానాన్ని కైవసం చేసుకుని సంచలనం సృష్టించింది. ప్రముఖ ఎంటర్టైన్మెంట్ పోర్టల్ ఐఎండీబీ ప్రతివారం విడుదల చేసే ‘పాపులర్ ఇండియన్ సెలబ్రిటీస్’ జాబితాలో సారా అర్జున్ అగ్రస్థానంలో నిలిచారు. ప్రభాస్, విజయ్, అగస్త్య నందా వంటి హేమాహేమీలను సైతం వెనక్కి నెట్టి సారా ఈ ఘనత సాధించడం విశేషం. ‘ధురంధర్’ చిత్రంలో ఆమె పోషించిన ‘యలీనా’ పాత్రకు యూత్ నుండి విపరీతమైన రెస్పాన్స్ లభించింది. రణ్వీర్ సింగ్తో ఆమె కెమిస్ట్రీ, యాక్షన్ సీక్వెన్స్ ప్రేక్షకులను మెప్పించాయి. ఆదిత్య ధర్ దర్శకత్వంలో వచ్చిన ఈ సినిమా భారతీయ సినీ చరిత్రలో సరికొత్త రికార్డులను నెలకొల్పింది. కేవలం 33 రోజుల్లోనే ఈ సినిమా ప్రపంచవ్యాప్తంగా సుమారు రూ.1260 కోట్లకు పైగా గ్రాస్ వసూలు చేసింది. తద్వారా అల్లు అర్జున్ ‘పుష్ప 2’ యష్ ‘కేజీఎఫ్ 2’ రికార్డులను అధిగమించి, ఆల్ టైమ్ టాప్-5 ఇండియన్ గ్రాసర్లలో ఒకటిగా నిలిచింది.
