మహిళా ఉద్యోగిని సత్కరించిన ఆర్టీసీ
ఉత్తమ సేవలకు విజయకు అభినందనలు
కాకతీయ, హుజూరాబాద్: అంతర్జాతీయ మహిళా దినోత్సవం సందర్భంగా హుజూరాబాద్ డిపోలో మహిళా ఉద్యోగిని ఘనంగా సత్కరించారు. విధుల్లో అంకితభావంతో పనిచేస్తూ సంస్థకు విశేష సేవలందిస్తున్న మహిళా ఉద్యోగుల పాత్ర స్ఫూర్తిదాయకమని అధికారులు తెలిపారు.
హుజూరాబాద్–రెండు యూనిట్కు చెందిన ఉద్యోగిని విజయను అభినందన పత్రంతో సత్కరించారు. గత కొన్ని సంవత్సరాలుగా క్రమశిక్షణతో విధులు నిర్వర్తిస్తూ సంస్థకు మంచి సేవలు అందిస్తున్నందుకు పలుమార్లు ప్రశంసలు, అవార్డులు పొందినట్లు పేర్కొన్నారు. కష్టపడి పనిచేస్తూ సహచరులకు ఆదర్శంగా నిలుస్తున్న విజయ వంటి మహిళా ఉద్యోగులు సంస్థకు గర్వకారణమని అధికారులు తెలిపారు. భవిష్యత్తులో కూడా ఇదే అంకితభావంతో మరిన్ని విజయాలు సాధించాలని ఆకాంక్షించారు.
