ఆర్ఎస్ఎస్ నేత రేవా కోటేశ్వరరావు కన్నుమూత
నివాళి అర్పించిన రుద్ర ఫౌండేషన్ వ్యవస్థాపక అధ్యక్షుడు పేరం గోపి కృష్ణ
కాకతీ, వరంగల్ సిటీ : ఆర్ఎస్ఎస్ సీనియర్ కార్యకర్త రేవా కోటేశ్వరరావు (85) వయోభారంతో వరంగల్ డాక్టర్స్ కాలనీలోని వారి స్వగృహంలో ఆదివానం కన్నుమూశారు. రాష్ట్రీయ స్వయంసేవక్ సంఘ్ విస్తరణ కోసం ఆంధ్ర ప్రాంతం నుంచి 65 సంవత్సరాల క్రితం వారు ప్రచారక్ గా వచ్చారు. మొదట్లో సూర్యాపేటలో ఆర్ఎస్ఎస్ ప్రచారక్గా పనిచేశారు. ఆ తర్వాత ప్రచారక్ గా విరమించుకుని స్థానిక మహబూబియా హైస్కూల్లో హిందీ పండిట్గా పనిచేస్తూ ఇక్కడ స్థిరపడ్డారు. వరంగల్ జిల్లా ఆర్ఎస్ఎస్ కార్యవాహగా, బౌద్ధిక్ ప్రముఖ్గా, విభాగ్ కార్యవాహగా, విభాగ్ సంఘచాలక్గా, పశ్చిమ.ఆంధ్ర ప్రదేశ్ ప్రాంత సహ కార్యవాహగా, ప్రాంత కార్యకారిణి సభ్యులుగా పనిచేశారు. ప్రతి శనివారం సాయంత్రం పాఠశాల నుంచి నేరుగా గ్రామాలకు పర్యటనకు వెళ్లి, అక్కడి శాఖల్లో పాల్గొని తిరిగి సోమవారం ఉదయం పాఠశాలకు వచ్చేవారు. 1975లో ఇందిర ప్రభుత్వం విధించిన ఎమర్జెన్సీకి వ్యతిరేకంగా ఆయన వరంగల్ జిల్లాలో అజ్ఞాతంలో ఉండి పలు ఉద్యమాలను నిర్వహించారు. అదేవిధంగా వరంగల్, కరీంనగర్, ఖమ్మం, నల్గొండ జిల్లాలో జరిగిన రామ జన్మభూమి ఉద్యమంలో ప్రధాన భూమిక పోషించారు.
పేరం గోపికృష్ణ నివాళి..!
ఆర్ఎస్ఎస్ కార్యకర్త శ్రీ రేవా కోటేశ్వరరావు భౌతికి కాయానికి ఆదివారం ఉదయం రుద్ర ఫౌండేషన్ వ్యవస్థాపక అధ్యక్షడు పేరం గోపికృష్ణ, నాగపూరి వెంకటేష్లు నివాళి అర్పించారు. ఆర్ఎస్ఎస్కు అందించిన సేవలను ఈసందర్భంగా వారు స్మరించుకున్నారు.
 వయోభారంతో వరంగల్ డాక్టర్స్ కాలనీలోని వారి స్వగృహంలో ఆదివానం కన్నుమూశారు.){kind=link}