నాణ్యమైన ధాన్యాన్ని తీసుకురావాలి

కాకతీయ, ఇనుగుర్తి : రైతులు నాణ్యమైన వరి ధాన్యాన్ని సెంటర్లకు తీసుకురావాలని మండల స్పెషల్ ఆఫీసర్ కృష్ణవేణి అన్నారు. బుధవారం మండలంలోని రైతు వేదికలో వరి ధాన్యం కొనుగోలు సన్నాహక సమావేశం నిర్వహించారు. ఈ సందర్భంగా వారు మాట్లాడుతూ సెంటర్లో రైతులకు అన్ని సౌకర్యాలు
కల్పించి ఎలాంటి ఇబ్బందులు కలగకుండా సరైన విధంగా ధాన్యం కొనుగోలు చేయాలన్నారు. రైతులు ధాన్యం ఆరబెట్టుకున్న తర్వాతనే సెంటర్ తీసుకురావాలని సూచించారు. ఈ కార్యక్రమంలో త‌హ‌సీల్దార్ తరంగిణి, ఎంపీడీవో పార్థసారథి, ఎస్సై కరుణాకర్, ఏఈఓ లు ముజాహిద్, భాస్కర్, సెంటర్ ఇన్చార్జులు, రైస్ మిల్లర్లు, గ్రామ పాలన అధికారులు, వ్యవసాయ శాఖ సిబ్బంది, ఐకెపి, సొసైటీ బాధ్యులు తదితరులు పాల్గొన్నారు.