ప్రేమవివాహం చేసుకున్న కూతురిని బలవంతంగా తీసుకెళ్లిన తల్లిదండ్రులు
కాకతీయ, జగిత్యాల : మల్యాలలో ప్రేమవివాహం పెద్ద హంగామాకి దారి తీసింది. మల్యాలకు చెందిన ముత్తు కుమార్, గుంటూరు జిల్లా మాచర్లకు చెందిన మాధవి వారం క్రితం కొండగట్టులో ప్రేమపెళ్లి చేసుకున్నారు. కుటుంబ అనుమతి లేకుండా జరిగిన ఈ వివాహం మాధవి ఇంటివారికి తీవ్ర అభ్యంతరం కలిగించింది.ఈ నేపథ్యంలో మాధవి తల్లిదండ్రులు, బంధువులు భారీగా ముత్తు కుమార్ ఇంటికి చేరుకుని ఘర్షణకు పాల్పడ్డారు. అక్కడ వాగ్వాదం తీవ్రరూపం దాల్చి ముత్తు కుమార్ కుటుంబ సభ్యులపై దాడి జరిగినట్టు సమాచారం. అనంతరం ఎవరికి చెప్పకుండా మాధవిని బలవంతంగా కారులో ఎక్కించి తీసుకెళ్లినట్లు స్థానికులు వెల్లడించారు.ఘటనను తమపై జరిగిన దాడిగా భావించిన ముత్తు కుమార్ కుటుంబం మల్యాల పోలీసులకు ఫిర్యాదు చేయగా. స్థానిక సి సి ఫుటేజ్ ఆధారంగా కేసు నమోదు చేసిన పోలీసులు దర్యాప్తు ప్రారంభించారు. ప్రేమవివాహం ఇరు కుటుంబాల మధ్య ఉద్రిక్తత పెరగడంతో గ్రామంలో ఉద్రిక్త సంచలనంగా మారింది.
