మ‌రి కొద్దిసేప‌ట్లో స‌ర్పంచ్ ఎన్నికలకు నోటిఫికేషన్
సాయంత్రం ప్రెస్‌మీట్‌కు ఎన్నికల క‌మిష‌న్ ఏర్పాట్లు
కాకతీయ, తెలంగాణ బ్యూరో : స్థానిక సంస్థ‌ల స‌ర్పంచ్ ఎన్నికలకు మ‌రి కొద్దిసేప‌ట్ల్లో న‌గ‌రా మోగ‌నుంది. బుధ‌వారం సాయంత్రం ఎన్నికల క‌మిష‌న్ మీడియా సమావేశం నిర్వ‌హించ‌నుంది. ఈమేర‌కు ఎన్నికల నోటిఫికేష‌న్‌కు సంబంధించి రంగం సిద్ధ‌మైంది. స్థానిక సంస్థ‌ల ఎన్నికలకు అనేక అవాంత‌రాలు.. న్యాయ‌మైర‌మైన క్లియ‌రెన్స్ త‌ర్వాత ఎట్ట‌కేల‌కు నోటిఫికేషన్ జారీ అవుతుండ‌టం గ‌మ‌నార్హం. ఎన్నికల నిర్వహణకు రాష్ట్ర ప్రభుత్వం చేయాల్సిన ప్రక్రియ పూర్తయింది. సర్పంచ్‌లు, వార్డు సభ్యుల పదవులకు ఎస్సీ, ఎస్టీ, బీసీ, మహిళా రిజర్వేషన్ల ప్రక్రియను అధికారులు పూర్తి చేశారు. గతంలో 2019 ఎన్నికల్లో ఉన్న రిజర్వేషన్ ఈసారి మళ్లీరాకుండా రొటేషన్ పద్ధతి అనుసరించారు.రాష్ట్రంలో 12,760 పంచాయతీలు, 1,13,534 వార్డుల్లో ఎన్నికల నిర్వహణకు ఎస్ఈసీ ఇప్పటికే కసరత్తు పూర్తి చేసింది. డిసెంబరు 17 నాటికి మూడు విడతల్లో పంచాయతీ ఎన్నికలు పూర్తి చేసేలా ఎస్ఈసీ ప్రణాళిక చేసింది.
