భక్తుడి ప్రాణాలు కాపాడిన మిల్స్ కాలనీ పోలీసులు..!!

కాకతీయ, వరంగల్ : వరంగల్ నగరంలోని ఉర్సు చెరువు లో వినాయక నిమజ్జనం కార్యక్రమం జరుగుతుండగా ఓ భక్తుడికి ఒక్కసారిగా ఫిట్స్ వచ్చి అపమారక స్థితిలో క్రింద పడిపోయాడు. ప్రక్కనే బందోబస్తులో ఉన్న మిల్స్ కాలనీ ఎస్సై శ్రవణ్, కానిస్టేబుల్ చందు వెంటనే అప్రమత్తమై ఆ భక్తుడిని భుజాల మీద ఎత్తుకొని ప్రక్కకు తీసుకొని వచ్చి అత్యవసర చికిత్స అందించారు. అనంతరం భక్తుడు మేల్కోవడంతో తోటి భక్తులందరూ ఊపిరి పీల్చుకున్నారు. సాహసోపేతంగా విధినిర్వహణ చేసి భక్తుడిని కాపాడిన పోలీసులను భక్తులు, అధికారులు అభినందించారు.