కొండగట్టులో భారీ అగ్ని ప్రమాదం

కొండగట్టులో భారీ అగ్ని ప్రమాదం
30 షాపులు దగ్ధం.. భారీగా ఆస్తి నష్టం
షార్ట్ సర్క్యూటే ప్ర‌మాదానికి కార‌ణం

కాకతీయ, కరీంనగర్ బ్యూరో : జగిత్యాల జిల్లా మల్యాల మండలం కొండగట్టు లో శనివారం రాత్రి భారీ అగ్ని ప్రమాదం చోటు చేసుకుంది. స్థానికుల కథనం మేరకు విద్యుత్ షార్ట్ సర్క్యూట్ కారణంగా ఈ ఘటన చోటు చేసుకున్నట్లు స్థానికుల నుండి తెలిసిన సమాచారం. కొండగట్టు దిగువ ప్రాంతంలోని ఆంజనేయ స్వామి విగ్రహం సమీపంలోని బొమ్మల షాపు వీధిలో ఒక షాపు వద్ద షార్ట్ సర్క్యూట్ జరగడంతో షాపులో మంటలు చెలరేగాయి. క్ర‌మేపి ఆ మంటలు సుమారు 30 షాపులకు వ్యాపించి భారీ అగ్ని ప్రమాదం చోటు చేసుకుని 30 షాపులు పూర్తిగా దగ్ధమైనట్లు సమాచారం. అయితే విషయం తెలుసుకున్న పోలీసులు ఘటన స్థలానికి చేరుకొని స్థానికులతో కలిసి మంటలు ఆర్పే ప్రయత్నం కొనసాగిస్తున్నారు. ఇదిలా ఉండగా ఫైర్ ఇంజిన్ సేవలు ఆలస్యంగా అక్కడ చేరుకున్నాయని స్థానికుల నుండి తెలిసిన సమాచారం. ప్రస్తుతం 3 ఫైర్ ఇంజిన్లు అక్కడ మంటలు ఆర్పే ప్రయత్నం చేస్తున్నాయి.