శ్రీరాముడు ధర్మానికి ప్రతీక
విలువలతో ముందుకు సాగాలి
అల్ఫోర్స్ విద్యాసంస్థల అధినేత డాక్టర్ వి. నరేందర్ రెడ్డి
కాకతీయ, కరీంనగర్ : శ్రీరామనవమి ముందస్తు వేడుకలు అల్ఫోర్స్ ఇ-టెక్నో పాఠశాలలో భక్తిశ్రద్ధలతో నిర్వహించారు. ఆధ్యాత్మిక వాతావరణంలో కార్యక్రమం ఆకట్టుకుంది. ప్రాంగణంలో ఏర్పాటు చేసిన శ్రీరాముని చిత్రపటానికి పూజలు నిర్వహించారు. జ్యోతి ప్రజ్వలనతో వేడుకలను ప్రారంభించారు. కార్యక్రమానికి అల్ఫోర్స్ విద్యాసంస్థల అధినేత డాక్టర్ వి. నరేందర్ రెడ్డి ముఖ్య అతిథిగా హాజరయ్యారు. ఈ సందర్భంగా డాక్టర్ వి. నరేందర్ రెడ్డి మాట్లాడారు. శ్రీరాముడు ధర్మానికి ప్రతీక అని అన్నారు. ప్రేమ, ఆప్యాయతలకు గొప్ప నిర్వచనమని చెప్పారు. రామాయణం అధ్యయనం ద్వారా విద్యార్థులకు మంచి విలువలు వస్తాయని సూచించారు. దేశవ్యాప్తంగా శ్రీరామనవమి వేడుకలు వైభవంగా జరుగుతాయని తెలిపారు. విదేశాల్లో కూడా ఈ పండుగను ఘనంగా నిర్వహించడం ఆనందకరమని అన్నారు. విద్యార్థులు లవకుశుల వేషధారణలో సాంస్కృతిక కార్యక్రమాలు ప్రదర్శించారు. రామాయణ ఘట్టాలను ఆవిష్కరించి ప్రేక్షకులను ఆకట్టుకున్నారు. “జై శ్రీరామ్” నినాదాలతో ప్రాంగణం మార్మోగింది. కార్యక్రమంలో ప్రిన్సిపాల్, ఉపాధ్యాయులు, తల్లిదండ్రులు, విద్యార్థులు పాల్గొన్నారు. కార్యక్రమం భక్తిశ్రద్ధలతో కొనసాగింది.
