కాంగ్రెస్ నుంచి బీఆర్ఎస్లో చేరికలు
కాకతీయ, నల్లబెల్లి : నల్లబెల్లి మండలంలో కాంగ్రెస్ పార్టీకి గట్టి ఎదురుదెబ్బ త‌గిలింది. రెండు గ్రామాల మాజీ సర్పంచులు బీఆర్ఎస్ పార్టీలో చేరారు. నందిగామ గ్రామ మాజీ సర్పంచ్ తేజవత్ శత్రు నాయక్, అర్వయ్యపల్లి గ్రామ మాజీ సర్పంచ్ మాలోతు రామ్ లాల్ కాంగ్రెస్‌కు రాజీనామా చేసి, మాజీ ఎమ్మెల్యే పెద్ది సుదర్శన్ రెడ్డి సమక్షంలో బీఆర్ఎస్ గులాబీ కండువా క‌ప్పుకున్నారు. ఈ సందర్భంగా పెద్ది సుదర్శన్ రెడ్డి మాట్లాడుతూ “నియోజకవర్గ అభివృద్ధి బీఆర్ఎస్ పాలనలోనే సాధ్యమైంది. తండాలు, గ్రామాలు అభివృద్ధి చేసిన చరిత్ర బీఆర్‌ఎస్‌దే” అని పేర్కొన్నారు. వీరితో పాటు శనిగరం, నందిగామ, బిలియా నాయక్ తండాలకు చెందిన పలువురు యువకులు బీఆర్ ఎస్ పార్టీలో చేరారు. వైనాల రమేష్, నీలం సమత్ రాజు, ఇస్లావత్ సంగులాల్, ఇస్లావత్ శ్రీకాంత్, ఇస్లావత్ నాగరాజు, ఇస్లావత్ రాజేందర్, ఇస్లావత్ మున్న తదితరులు కూడా బీఆర్ఎస్ పార్టీలో చేరారు. కార్యక్రమంలో మండల పార్టీ అధ్యక్షుడు సారంగపాణి, మురళీధర్, నందిగామ గ్రామ పార్టీ అధ్యక్షుడు గండు శ్రీధర్, జంగిలి వెంకటరాజ్యం, రాములు తదితరులు పాల్గొన్నారు.
