తనుగుల చెక్‌డ్యాం పేల్చింది కాంగ్రెస్ ఇసుక మాఫియానే
బీఆర్ఎస్ హుజురాబాద్ పట్టణ అధ్యక్షుడు కొలిపాక శ్రీనివాస్
కాకతీయ,హుజురాబాద్: తనుగుల చెక్‌డ్యాం కూలిన ఘటన పర్యవసానంగా ప్రాంత ప్రజలు ఎదుర్కొంటున్న ఇబ్బందులను ప్రస్తావించిన బీఆర్ఎస్ హుజురాబాద్ పట్టణ అధ్యక్షుడు కొలిపాక శ్రీనివాస్, దీనికి కాంగ్రెస్ అనుబంధ ఇసుక మాఫియా పూర్తిస్థాయిలో బాధ్యత వహించాల్సిందేనని తీవ్రంగా మండిపడ్డారు. ఎమ్మెల్యే క్యాంపు కార్యాలయంలో మీడియాతో మాట్లాడుతూ.చెక్క్‌డ్యాం సహజంగా కూలిపోయిందన్న మాట పూర్తిగా అబద్ధం. ఇది కాంగ్రెస్ నేతల‌కు అండగా పనిచేసే ఇసుక మాఫియా గ్యాంగ్‌ పన్నిన ఉద్దేశపూర్వక ధ్వంసకార్యం అని ఆరోపించారు.నాణ్యత లోపం అంటూ కాంగ్రెస్ నేతలు ప్రచారం చేయడం ప్రజలను తప్పుదారి పట్టించే ప్రయత్నం మాత్రమేనని శ్రీనివాస్ ఖండించారు. ప్రజల దృష్టి మరల్చడానికి కాంగ్రెస్ నేతలు తప్పుడు కథనాలు రాసుకుని తిరుగుతున్నారన్నారు. ఘటనపై దర్యాప్తును వేగవంతం చేసి అసలు కుట్రదారులను బయటపెట్టాలని ప్రభుత్వం కోరారు.చెక్క్‌డ్యాం కూలిపోవడంతో రైతులు, స్థానికులు ఎదుర్కొంటున్న నష్టానికి కాంగ్రెస్ ఇసుక మాఫియానే కారణం. బాధ్యులపై కఠినచర్యలు తీసుకోవాలి అని ఆయన డిమాండ్ చేశారు.ఈ సమావేశంలో తాళ్లపల్లి శ్రీనివాస్, ముక్క రమేష్, కొండ్ర నరేష్, అనిల్,పంజాల శ్రీధర్, లక్ష్మణమూర్తి, రాజ్‌కుమార్, ములుగు శ్రీను, మండ సతీష్, దిల్‌షీను తదితర బీఆర్ఎస్ సీనియర్ నాయకులు పాల్గొన్నారు.
