ఇంటర్ విద్యార్థి అదృశ్యం.. క‌ళాశాలపైనే అనుమానం
మడికొండ పీఎస్లో తండ్రి ఫిర్యాదు.. విచార‌ణ చేప‌ట్టిన పోలీసులు
కాకతీయ, హనుమకొండ : హ‌న్మ‌కొండ జిల్లా కాజీపేట మండలంలోని మడికొండ పోలీస్ స్టేషన్ పరిధిలోని భ‌ట్టుపల్లి గ్రామంలో ఉన్న ప్రముఖ కళాశాల నుంచి విద్యార్థి అదృశ్య‌మ‌య్యాడు. ఆత్మ‌కూరు మండ‌లం గూడెప్పాడు గ్రామానికి చెందిన ర‌వీంద‌ర్‌రెడ్డి కుమారుడైన శివరాం రెడ్డి ఇంటర్ మొద‌టి సంవ‌త్స‌రం సీఈసీ చ‌దువుతున్నాడు. ఈక్ర‌మంలోనే బుధ‌వారం క‌ళాశాలకు వెళ్లిన కుమారుడు తిరిగి ఇంటికి చేరుకోక‌పోవ‌డంతో గురువారం మ‌ధ్యాహ్నం మడికొండ పీఎస్లో ర‌వీంద‌ర్‌రెడ్డి ఫిర్యాదు చేశారు. త‌న కొడుకు అదృశ్యం వెనుక కళాశాల యాజ‌మాన్యంపై వైఖ‌రి ఉండ‌వ‌చ్చ‌ని అనుమానం వ్య‌క్తం చేస్తూ ఫిర్యాదు చేయ‌డం గ‌మ‌నార్హం. ఫిర్యాదు స్వీకరించిన మడికొండ పోలీసులు కేసు నమోదు చేసి దర్యాప్తు ప్రారంభించారు. శివారం రెడ్డి ఆచూకి తెలిసిన వారు 8712685009, 8712685248, 8712685123 ఈ నెంబ‌ర్ల‌కు స‌మాచారం ఇవ్వాల‌ని పోలీసులు ప్ర‌జ‌ల‌ను కోరారు.
