ఘనంగా ఇందిరమ్మ ఇల్లు గృహప్రవేశం
కాకతీయ, నూగూరు వెంకటాపురం : మండల కేంద్రంలో తొలి ఇందిరమ్మ ఇల్లు గృహప్రవేశం కార్యక్రమం ఘనంగా నిర్వహించారు. సర్పంచ్ తాటి సరస్వతి రిబ్బన్ కట్ చేసి నూతన గృహాన్ని ప్రారంభించారు. వెంకటాపురం మేజర్ గ్రామపంచాయతీ పరిధిలో ఈ కార్యక్రమం జరిగింది. నాయకులు మోహన్ రావు, చిడం శివ పాల్గొన్నారు. ఉపసర్పంచ్ షర్ఫుద్దీన్ (సన్నీ), సీతాదేవి, పల్నాటి నాగేశ్వరరావు, కొండపర్తి సాయి హాజరయ్యారు. ఈ సందర్భంగా వారు మాట్లాడారు. అర్హులైన నిరుపేదలకు ఇందిరమ్మ ఇళ్లు పెద్ద అండగా నిలుస్తాయని అన్నారు. ఇది పేదల ప్రభుత్వం అని పేర్కొన్నారు. ఏప్రిల్ నెలలో రెండో విడత ఇళ్లు కూడా అందుతాయని తెలిపారు. మరిన్ని కుటుంబాలకు లబ్ధి చేకూరుతుందని చెప్పారు. గ్రామంలో ఆనంద వాతావరణం నెలకొంది. ప్రజలు కార్యక్రమాన్ని అభినందించారు.
