కాంట్రాక్ట‌ర్ల జేబుల్లోకి దేవుడి సొమ్ము
ఏళ్లుగా రూ.65ల‌క్ష‌లు కాంట్రాక్ట‌ర్ల వ‌ద్దే బకాయి
వసూలు చేసేందుకు అధికారుల విఫ‌ల‌య‌త్నం
నోటీసుల‌తోనే స‌రిపుచ్చుతారా.. వసూలు చేస్తారా..?!
కాకతీయ, పాలకుర్తి : జనగామ జిల్లా పాలకుర్తి మండల కేంద్రంలోని ప్రముఖ పుణ్యక్షేత్రం శ్రీ సోమేశ్వర లక్ష్మీనరసింహస్వామి ఆలయానికి ప‌ద‌కొండేళ్లుగా కాంట్రాక్టర్లు రూ.65 లక్షలకు పైగా బకాయిలు ఉన్నాయి. ఈ విష‌యంపై ప‌లుమార్లు ప‌త్రిక‌ల్లో క‌థ‌నాలు వ‌చ్చినా అధికారులు పెద్ద‌గా ప‌ట్టించుకున్న దాఖ‌లాలు క‌నిపించ‌డం లేదు. కొద్దిరోజుల క్రితం కలెక్టర్ రిజ్వాన్ భాషా షేక్ ఆదేశాల మేరకు స్టేషన్ ఘాన్పూర్ ఆర్డీవో డిఎస్ వెంకన్న పాలకుర్తి తాసిల్దార్ కార్యాలయంలో సమావేశం ఏర్పాటు చేసి బకాయి దారులకు నోటీసులు అందజేశారు. గురువారం మళ్లీ బకాయిదారులతో సమావేశం ఉండగా దానిపై స్పష్టత లేదు. బకాయిలు వసూలు చేస్తామని అధికారులు చెబ‌తున్నా.. వాస్త‌వంలో మాత్రం అందుకు విరుద్ధంగా చ‌ర్య‌లలేమీ.. నిర్ల‌క్ష్య‌పు వైఖ‌రి స్ప‌ష్టంగా క‌నిపిస్తోంది. దేవుడి సొమ్మును తిరిగి రాబ‌ట్టి ఆల‌యా అభివృద్ధికి వినియోగించాల‌ని సోమేశ్వ‌రుడి భ‌క్తులు కోరుతున్నారు.
