కాంగ్రెస్ ప్రభుత్వంలో రైతులు అరిగోస పడుతున్నారు.
మాజీ మంత్రి ఎర్రబెల్లి
కాకతీయ, పెద్దవంగర : కాంగ్రెస్ ప్రభుత్వంలో రైతులు అరిగోసలు పడుతున్నారని మాజీ మంత్రి ఎర్రబెల్లి దయాకర్ రావు అన్నారు. మంగళవారం మహబూబాబాద్ జిల్లా, పెద్దవంగర మండల కేంద్రంలో మండల విస్తృత స్థాయి సమావేశంలో ముఖ్య అతిధిగా పాల్గొని మాట్లాడారు.కష్ట కాలంలో మన వెంబడి ఉన్నవారే మనవరన్నారు.ఈ ప్రభుత్వం ఒక దుర్మార్గుడి చేతిలో పడి నాశనం అయిందని, యూరియా కొరత వచ్చింద్ధాంటే ఈ అసమర్ధ కాంగ్రెస్ ప్రభుత్వం వల్లనేనని,కెసిఆర్ హయంలో రాజుగా బ్రతికిన రైతులు కాంగ్రెస్ పాలనలో పస్థులుండాల్సిన పరిస్థితి ఏర్పడిందన్నారు.ప్రతి కార్యకర్తని కలుపుకొని పోయి,పార్టీ గెలుపు కోసం ప్రతి ఒక్కరు కష్టపడాలన్నారు.గడపగడపకు తిరిగి ఈ బోగస్ ప్రభుత్వం చేసిన బోగస్ హామీలను ఓటర్లకు అర్థమయ్యే రీతిలో ప్రచారం చేయాలన్నారు. కష్టపడ్డ ప్రతి కార్యకర్తకు తగిన గుర్తింపు ఉంటుందని, తొందర్లోనే కమిటీలు వేసి ప్రతి కార్యకర్తకి శిక్షణ తరగతులు ఏర్పాటు చేస్తామన్నారు.రాబోవు స్థానిక సంస్థల ఎన్నికలను దృష్టిలో పెట్టుకొని కాంగ్రెస్ ప్రభుత్వం మళ్ళీ అడ్డగోలు హామీలు ఇస్తుందని, బిఆర్ఎస్ కార్యకర్తలు జాగ్రత్తగా ఉండాలన్నారు. స్థానిక సంస్థల ఎన్నికల్లో సర్వేలన్నీ బీఆర్ఎస్ పార్టీ వైపే ఉన్నాయన్నారు.పార్టీ క్యాడర్ , యూత్ సోషల్ మీడియా నాయకులు ఈ ఎన్నికల్లో కష్టపడి పని చేసి మన సత్తాచాటాలన్నారు.ఈ కార్యక్రమంలో మండల అధ్యక్షులు ఈదురు ఐలయ్య, ప్రధానకార్యదర్శి సంజయ్,సీనియర్ నాయకులు రామచంద్రయ్య శర్మ, పాలకుర్తి యాదిగిరి రావు,సుదీర్,మాజీ సర్పంచ్ లు, ఇంచార్జీలు తదితరులు పాల్గొన్నారు.
