వేములవాడలో కుప్పకూలిన డబుల్ బెడ్‌రూమ్ భవనం
ఎమ్మెల్యే ఆది శ్రీనివాస్కు తప్పిన పెను ప్రమాదం.
కాకతీయ,వేములవాడ: వేములవాడ మున్సిపల్ పరిధిలోని ఆర్టీసీ డిపో సమీపంలో నిర్మిస్తున్న డబుల్ బెడ్‌రూమ్ ఇంట్లో ఫ్లోరింగ్ ఒక్కసారిగా కుప్పకూలింది. ఈ ఘటన సమయంలో వేములవాడ ఎమ్మెల్యే ఆది శ్రీనివాస్కు సిరిసిల్ల జిల్లా ఇన్ఛార్జ్ కలెక్టర్ గరిమా అగర్వాల్ అక్కడి నిర్మాణ పనులను పరిశీలించడానికి వెళ్తుండగా జరిగింది. అనుకోకుండా జరిగిన ఈ పెను ప్రమాదం నుంచి ఎమ్మెల్యే ఆది శ్రీనివాస్ తప్పించుకున్నారు.
ప్రాథమిక దర్యాప్తు ప్రకారం,ఫ్లోరింగ్ కుప్పకూలడానికి నిర్మాణ నాణ్యతలో లోపాలు ప్రధాన కారణంగా ఉన్నట్టు తెలుస్తోంది. స్థానికులు, నిర్మాణ అధికారులు ఈ ఘటనపై తీవ్ర ఆందోళన వ్యక్తం చేస్తున్నారు.సిరిసిల్ల జిల్లా కలెక్టర్ గరిమా అగర్వాల్ వెంటనే స్పందించి, మిగతా భవన నిర్మాణాలను సురక్షితంగా నిలిపివేయాలని, తదుపరి తనిఖీలను చేపట్టాలని ఆదేశించారు. నిర్మాణ సామగ్రి ప్రమాణాలు పాటించబడ్డాయా అనే అంశాన్ని సరిచూసేందుకు అధికారుల బృందం పనిచేస్తోంది.వేములవాడ ఎమ్మెల్యే ఆది శ్రీనివాస్కు ఈ ఘటనలో ప్రజల భద్రతకు ప్రాధాన్యతనిస్తూ, భవన నాణ్యతను పునరాలోచన చేయాల్సిన అవసరం ఉన్నట్లు తెలిపారు. స్థానికులు ప్రజాస్వామ్య కార్యకర్తలు భవిష్యత్తులో ఇలాంటి ప్రమాదాలు నివారించడానికి తక్షణ చర్యలు తీసుకోవాలని డిమాండ్ చేస్తున్నారు.నిర్మాణ రంగంలోని నాణ్యతపై ప్రభుత్వం, అధికారులు, ప్రాజెక్ట్ నిర్వాహకులు పునరాలోచన చేపట్టాల్సిన సమయం వచ్చిందని ప్రజలు సూచిస్తున్నారు.
అయితే ఇది ఇలా ఉండగా నాణ్యత పరిమాణాలను పరీక్షించడానికి వెళ్లిన వేములవాడ ఎమ్మెల్యే ఆది శ్రీనివాస్ కే ఇలాంటి పరిస్థితి ఎదుర్కొన్నది అంటే కట్టడాలలో నాణ్యత లోపం ఎంత ఉందో బయటపడుతుందని క్లుప్తంగా అర్థమవుతుంది… దీనిపై అధికారుల స్పందన ఎలా ఉంటుందో వేచి చూడాల్సిందే.
