అధికార పార్టీతోనే అభివృద్ధి సాధ్యం

అధికార పార్టీతోనే అభివృద్ధి సాధ్యం
స్థానిక సంస్థల్లో గెలుపే లక్ష్యంగా పని చేయాలి
డిసెంబర్ 5న న‌ర్సంపేట‌కు సీఎం రేవంత్ రెడ్డి
నర్సంపేట పర్యటనను విజయవంతం చేయాలి
ఎమ్మెల్యే దొంతి మాధవరెడ్డి

కాకతీయ, దుగ్గొండి : అధికార పార్టీతోనే గ్రామాల అభివృద్ధి సాధ్యమని ఎమ్మెల్యే దొంతి మాధవరెడ్డి అన్నారు. దుగ్గొండి మండలంలోని గిర్నిబావి గ్రామంలో నిర్వహించిన మండల స్థాయి సర్పంచ్ ఎన్నికల సన్నాహక సమావేశంలో పాల్గొని మాట్లాడుతూ గ్రామాల అభివృద్ధి కాంగ్రెస్ పార్టీ తోనే సాధ్యమని అన్నారు. సర్పంచ్ ఎన్నికల్లో పార్టీ శ్రేణులు పార్టీ బలపరిచిన అభ్యర్థిని ఒక్కతాటిపై నిలబడి గెలిపించాలని పిలుపునిచ్చారు. అదే విధంగా డిసెంబర్ 5న నర్సంపేటకు సీఎం రేవంత్ రెడ్డి విచ్చేయనున్నారని సీఎం గారి పర్యటనను విజయవంతం చేయాలని కోరారు. నర్సంపేట నుంచి వరంగల్ వరకు 4 లైన్ల రహదారికి మరియు మెడికల్ కాలేజీ బిల్డింగ్,ఇంటిగ్రేటెడ్ స్కూల్ బిల్డింగ్ నిర్మాణం శంకుస్థాపన, దుగ్గొండి మండలం తొగ్గరాయి ఆర్ అండ్ బీ రోడ్డు నుంచి పొనకల్ వరకు డబల్ రోడ్డు నిర్మాణం కోసం కూడా శంకుస్థాపన చేయనున్నారని వీటితో పాటు పాఖాల చెరువు ఆయకట్టు మరమ్మతులు, కాలువల నిర్మాణం తదితర అభివృద్ధి పనులకు సీఎం రేవంత్ రెడ్డి శంకుస్థాపన చేస్తారని అన్నారు. గ్రామాల్లో పార్టీ నాయకులు, కార్యకర్తల సమన్వయం కొరకు మండలాల వారీగా ఇంచార్జీలను నియమించామని, అందరూ సమిష్టిగా ఉండి పార్టీ అభ్యర్థులను గెలిపించాలని పిలుపునిచ్చారు. కార్యక్రమంలో మార్కెట్స్ కమిటీ చైర్మన్ పాలాయి శ్రీనివాస్, పీసీసీ మెంబర్ రామానంద్, కిసాన్ సెల్ జిల్లా అధ్యక్షుడు దేవేందర్ రావు, డాక్టర్ పులి అనిల్ కుమార్, బ్లాక్ కాంగ్రెస్ అధ్యక్షుడు తోకల శ్రీనివాస్ రెడ్డి, మండల అధ్యక్షుడు చుక్క రమేష్ నాయకులు మట్ట రాజు, నల్ల వెంకటయ్య, డ్యాగం శివాజీ, కూరతోట సురేష్, బండారి ప్రకాష్ తదితరులు పాల్గొన్నారు.