శాతవాహన యూనివర్సిటీలో దీక్షా దివస్ వేడుకలు
కేసీఆర్ చిత్రపటానికి పాలాభిషేకం చేసిన గంగుల కమలాకర్
కాకతీయ, కరీంనగర్ : కరీంనగర్ శాతవాహన యూనివర్సిటీలో దీక్షా దివస్ కార్యక్రమం శనివారం ఘనంగా జరిగింది. బీఆర్ఎస్ వర్కింగ్ ప్రెసిడెంట్ కేటీఆర్ సూచనల మేరకు, మాజీ మంత్రి–కరీంనగర్ ఎమ్మెల్యే గంగుల కమలాకర్ మార్గనిర్దేశంతో, మాజీ గ్రంథాలయ సంస్థ చైర్మన్ పొన్నం అనిల్ కుమార్ గౌడ్ ఆధ్వర్యంలో ఈ కార్యక్రమం నిర్వహించారు. ప్రారంభంలో కేసీఆర్ చిత్రపటానికి కమలాకర్, మాజీ ఎమ్మెల్సీ నారదాసు లక్ష్మణరావు, నగర బీఆర్ఎస్ అధ్యక్షుడు చల్లా హరిశంకర్, రాష్ట్ర దీక్షా దివస్ ఇంచార్జ్ చిరుమిల్ల రాకేష్ తదితరులు పాలాభిషేకం చేశారు. అనంతరం “లాంగ్ లైవ్ కేసీఆర్” అంటూ నినాదాలు ఆవరణను మార్మోగించాయి.దీక్షా శిబిరంలో కూర్చున్న విద్యార్థి నాయకులకు అతిథులు పూలమాలలు వేసి శిబిరాన్ని అధికారికంగా ప్రారంభించారు. ఈ సందర్భంగా ఎమ్మెల్యే గంగుల కమలాకర్ మాట్లాడుతూ.ఉమ్మడి ఆంధ్రప్రదేశ్‌లో తెలంగాణ ప్రజలు ఎదుర్కొన్న అన్యాయం కేసీఆర్ హృదయాన్ని కదిలించిందన్నారు. డిప్యూటీ స్పీకర్ పదవికి రాజీనామా చేసి ప్రజా ఉద్యమాన్ని బలపరిచిన కేసీఆర్, నవంబర్ 29, 2009న కరీంనగర్ వేదికగా చేపట్టిన ఆమరణ నిరాహార దీక్షే తెలంగాణ రాష్ట్ర సాధనకు మన్ననలేని పునాది అయ్యిందని పేర్కొన్నారు. ప్రాణాలకు తెగించి పోరాడిన కేసీఆర్ వల్లనే ఈరోజు తెలంగాణ ప్రజలు స్వేచ్ఛా వాయువులు పీలుస్తున్నారని అన్నారు. తెలంగాణ హక్కులు, స్వాభిమానాన్ని కాపాడగల పార్టీ ఒక్కటే బీఆర్ఎస్ అని స్పష్టం చేశారు.అనంతరం పొన్నం అనిల్ కుమార్ గౌడ్ మాట్లాడుతూ.కేసీఆర్ చచ్చుడో తెలంగాణ వచ్చుడో అన్న రోజు నుంచి గులాబీ సైనికులుగా ఆయనతో పాటు నడుస్తున్నామని, అదే ఔన్నత్యంతో దీక్షా దివస్‌ను శాతవాహన యూనివర్సిటీలో నిర్వహించామని తెలిపారు. కార్యక్రమంలో ఎమ్మెల్యే గంగుల కమలాకర్, మాజీ ఎమ్మెల్సీ నారదాసు లక్ష్మణరావు, చిరుమిల్ల రాకేష్, బీఆర్ఎస్ నగర అధ్యక్షుడు చల్లా హరిశంకర్, మాజీ మేయర్ సర్దార్ రవీందర్ సింగ్, మాజీ చైర్మన్ ఏనుగు రవీందర్ రెడ్డి, కార్పొరేటర్లు బండారు వేణు, కర్ర సూర్యశేఖర్, మీర్ షౌకత్ అలీ, నేతి రవి వర్మ, నయీం, కేమసారం తిరుపతి, మిడిదొడ్డి నవీన్, రుద్ర రాధ తదితరులు పాల్గొన్నారు.దీక్షలో బీఆర్ఎస్ విద్యార్థి విభాగ నాయకులు ద్యావ మధుసుధన్ రెడ్డి, చుక్కా శ్రీనివాస్, సబ్బని హరీష్, గంగాధర చందు, బండవేణు, బొంకూరి మోహన్, మల్లెంకి శ్రీనివాస్, మోగిలోజు వెంకట్, పొన్నం రాజు, నారదాసు వసంత్, అంజి పటేల్, ఉప్పు శివ, ఒడ్నాల రాజు, అఫ్రోజ్, పటేల్ శ్రవణ్ రెడ్డి, నరేష్ రెడ్డి, గుర్రం కిరణ్ గౌడ్, దినేష్ తదితరులు పాల్గొన్నారు.
