నామినేషన్ల ఏర్పాట్లను పరిశీలించిన కలెక్టర్
కాకతీయ, గీసుగొండ: రానున్న సర్పంచ్ ఎన్నికల నామినేషన్ల ప్రక్రియకు సంబంధించిన ఏర్పాట్లను జిల్లా కలెక్టర్ సత్య శారద పరిశీలించారు.మండలంలోని కొనాయిమాకుల గ్రామ పంచాయతీ,అలాగే మండల కేంద్రంలోని జడ్పీహెచ్ఎస్ లో ఏర్పాటు చేసిన నామినేషన్ కేంద్రాలను కలెక్టర్ సత్య శారద,అడిషనల్ కలెక్టర్ సంధ్యారాణి,జడ్పీ సీఈవో రాం రెడ్డితో కలిసి పరిశీలించారు. నామినేషన్లు వేసే అభ్యర్థులకు అవసరమైన అన్ని సౌకర్యాలు కల్పించి, పకడ్బందీగా నామినేషన్ ప్రక్రియను నిర్వహించాలని వారు మండల స్థాయి అధికారులకు సూచించారు.ఈ కార్యక్రమంలో తహసీల్దార్ ఎండీ రియాజుద్దీన్,ఎంపీడీఓ వి.కృష్ణవేణి,ఎంపీఓ పాక శ్రీనివాస్,ఎస్సై కుమార్, పంచాయతీ కార్యదర్శులు పాల్గొన్నారు.
