దేశంలోనే రిచెస్ట్ సీఎంగా చంద్రబాబు నాయుడు

దేశంలోనే రిచెస్ట్ సీఎంగా చంద్రబాబు నాయుడు
రూ.30 కోట్ల ఆస్తులతో 7వ స్థానంలో సీఎం రేవంత్ రెడ్డి
రాజకీయ వర్గాల్లో హాట్ టాపిక్ గా మారిన సీఎంల ఆస్తుల జాబితా
ముఖ్యమంత్రుల ఆస్తుల జాబితా విడుదల చేసిన ఎడిఆర్

కాకతీయ, న్యూఢిల్లీ : దేశంలోని ముఖ్యమంత్రుల ఆస్తుల వివరాలను అసోసియేషన్ ఫర్ డెమోక్రటిక్ రిఫార్మ్స్ (ఎ డి ఆర్) తాజాగా విడుదల చేసింది. ఈ జాబితాలో ఆంధ్రప్రదేశ్ ముఖ్యమంత్రి చంద్రబాబు నాయుడు అత్యధిక ఆస్తులు కలిగిన సీఎంగా నిలిచారు. ఆయన వద్ద రూ.931 కోట్లకు పైగా ఆస్తులు ఉన్నట్లు ఎ డి ఆర్ నివేదికలో వెల్లడైంది. ఈ క్రమంలో అరుణాచల్ ప్రదేశ్ సీఎం పెమా ఖండ్ రూ.332 కోట్ల ఆస్తులతో రెండో స్థానంలో ఉన్నారు. తెలంగాణ ముఖ్యమంత్రి రేవంత్ రెడ్డి రూ.30 కోట్ల ఆస్తులతో 7వ స్థానంలో నిలిచారు. ఎ డి ఆర్ నివేదిక ప్రకారం, దేశంలోని 30 మంది ముఖ్యమంత్రుల ఆస్తులపై సమగ్ర వివరాలను పరిశీలించి ఈ జాబితాను విడుదల చేశారు. ఇందులో సగటు ముఖ్యమంత్రుల ఆస్తులు సుమారు రూ.34.9 కోట్లు ఉన్నట్లు వెల్లడైంది. ఆస్తుల పరంగా కొందరు సీఎంల వద్ద వందల కోట్ల ఆస్తులు ఉండగా, కొందరు సీఎంలు తక్కువ ఆస్తులతోనే కొనసాగుతున్నారని నివేదిక స్పష్టం చేసింది. ఈ జాబితా రాజకీయ వర్గాల్లో చర్చనీయాంశమైంది.