కాకతీయ, తెలంగాణ బ్యూరో: స్థానిక సంస్థల ఎన్నికలపై కీలక వ్యాఖ్యలు చేశారు బీజేపీ రాష్ట్ర అధ్యక్షులు రామచంద్రరావు. ఈ సారి ఎన్నికల సందర్భంలో జడ్పీటీసీ అభ్యర్థులను ముందుగా డిక్లేర్ చేయాలని, ఏకగ్రీవంగా ఉన్న చోట బి.ఫారం సమర్పించాలని పార్టీ భావిస్తున్నదని రామచంద్రరావు పేర్కొన్నారు. వార్డు మెంబర్ స్థాయి నుంచి జడ్పీటీసీ వరకు అన్ని స్థానాల్లో బీజేపీ పోటీ చేస్తూ అత్యధిక స్థానాలను సాధించేందుకు సన్నద్ధమై ఉందని ఆయన చెప్పారు.
కాంగ్రెస్, బీఆర్ఎస్ పార్టీలు స్థానిక ఎన్నికలలో ఓట్లు అడగడానికి అర్హతలేమని కూడా స్పష్టం చేశారు. బీఆర్ఎస్, గతంలో స్థానిక సంస్థలను నిర్వీర్యం చేస్తూ, కేంద్ర నిధులను వ్రుధా చేసి గ్రామాలను దెబ్బతీస్తోందని, అప్పటి సర్పంచులు ఆత్మహత్యలకు పాల్పడ్డారని ఆరోపించారు. తాజా సర్పంచులు ఎదుర్కొన్న సమస్యలు కూడా వర్ణనాతీతంగా ఉన్నాయని, పంచాయతీలకు కరెంట్ బిల్లులు కూడా చెల్లించలేని పరిస్థితులు ఏర్పడ్డాయని తెలిపారు.
రామచంద్రరావు కేంద్రమంత్రి ప్రణాళికలను ఉదహరిస్తూ పీఎం కిసాన్ క్రమం తప్పకుండా రైతుల ఖాతాల్లో జమ అవుతున్నదన్నారు. ఉచిత బియ్యం సరఫరా జరుగుతోందని చెప్పారు. గ్రామాల్లోని అభివృద్ధి, రోడ్లు, నీటి సరఫరా వంటి పనులు కేంద్ర నిధుల ద్వారా మాత్రమే జరుగుతున్నాయన్నారు. బీజేపీని గెలిపిస్తే మాత్రమే గ్రామాలకు కేంద్ర నిధులు సమర్ధంగా చేరుతాయని, అందువల్ల ప్రజలు బీజేపీకి మద్దతు ఇవ్వాలని సూచించారు.
బీసీ రిజర్వేషన్ల, స్థానిక ఎన్నికల ఆలస్యం, కాళేశ్వరం ప్రాజెక్టు అవినీతి వంటి అంశాలపై కూడా వ్యాఖ్యానించారు. రాష్ట్రంలో రిజర్వేషన్లకు సంబంధించిన బాధ్యత రాష్ట్ర ప్రభుత్వానికి ఉండగా, బీఎంఆర్ఎస్ పార్టీ తప్పు చేస్తోందని విమర్శించారు. అలాగే, ఎన్డీఎస్ఎ ఇచ్చిన నివేదిక ఆధారంగా మేడిగడ్డ, సుందిళ్లకే పరిమితం కాకుండా, కాళేశ్వరం ప్రాజెక్టు మొత్తాన్ని పరిశీలించి రిపేర్ చేయాలని అన్నారు.
రామచంద్రరావు చివరగా పార్టీ ఫిరాయింపులపై స్పష్టత ఇచ్చారు. బీజేపీని వీడేటప్పుడు మాత్రమే రాజీనామా చేయాలని మరియు పార్టీ సుస్థిరత కోసం అన్ని సభ్యులు కట్టుబడాలని పేర్కొన్నారు. ఆయన అభిప్రాయం ప్రకారం, బీజేపీ స్థానిక అభివృద్ధి, గ్రామాల సంక్షేమంపై కేంద్రీకృత దృష్టి పెట్టిన ప్రతిపక్షం అని అన్నారు.
