బీసీ జేఏసీ హుజురాబాద్ యుద్ధభేరికి మద్దతు
కాకతీయ,హుజురాబాద్ : హుజురాబాద్ బీసీ జేఏసీ ఆధ్వర్యంలో శాంతియుత ధర్నా నిర్వహించి యుద్ధభేరికి మద్దతు తెలిపారు. బీసీ లకు 42% రిజర్వేషన్ సాధన లక్ష్యంతో, ఆదివారం హుజురాబాద్ అంబేద్కర్ చౌరస్తా వద్ద ధర్నా చేపట్టారు.జాతీయ నాయకుడు జాజూల శ్రీనివాస్ హైదరాబాద్ ఇందిరా పార్క్ వద్ద తలపెట్టిన ధర్మ యుద్ధభేరికి మద్దతుగా ఇచ్చిన పిలుపు మేరకు, బీసీ జేఏసీ హుజురాబాద్ అధ్యక్షుడు సంధ్యల వెంకన్న ఆధ్వర్యంలో ధర్నా విజయవంతంగా నిర్వహించారు.శాంతియుత నిరసన కార్యక్రమంలో బీసీ జేఏసీ గౌరవ అధ్యక్షుడు చందుపట్ల జనార్ధన్ మరియు హుజురాబాద్ పట్టణ అధ్యక్షుడు సంధ్యల వెంకన్న మాట్లాడుతూ.
తెలంగాణలో బీసీలను రాజకీయంగా బలహీనపర్చేందుకు అగ్ర కుల పార్టీలు కుట్రలు పన్నుతున్నాయని, రాష్ట్రంలో రెడ్ల ఆధిపత్యం పెరుగుతోందని విమర్శించారు. రాష్ట్ర ఎన్నికల సంఘం విడుదల చేసిన గెజిట్ శాస్త్రీయత లేదు, ప్రజాస్వామ్యాన్ని ఎన్నికల సంఘాన్ని అడ్డుపెట్టుకొని ప్రభుత్వం దెబ్బతీస్తోంది అని మండిపడ్డారు.కాంగ్రెస్ ప్రభుత్వం బీసీలకు ఇచ్చిన హామీ అమలు చేయకపోవడం నమ్మకద్రోహమని పేర్కొన్నారు. బీసీలకు 42% రిజర్వేషన్లు సాధించేందుకు నవంబర్ 30న ఇందిరా పార్క్ ధర్నా చౌక్లో యుద్ధభేరి నిర్వహిస్తున్నట్లు తెలిపారు. టీపీసీసీ బీసీలకు 60% సీట్లు ఇస్తామని లీకులు చేస్తున్నా, అమలు లేకుండా మాటలు ఉపయోగం లేదని వ్యాఖ్యానించారు.స్థానిక సంస్థలలో 42% బీసీ రిజర్వేషన్ అమలుకు అఖిలపక్ష బృందం ప్రధాని మోదీని కలిసి డిమాండ్లు ఉంచాలని సూచించారు. ప్రభుత్వం జారీ చేసిన జీవో 46 ను వెంటనే రద్దు చేయాలని డిమాండ్ చేశారు. తెలంగాణకు చెందిన కేంద్ర మంత్రులు, ఎంపీలు డిసెంబరులో జరిగే పార్లమెంట్ సమావేశాల్లో బీసీ రిజర్వేషన్ల అంశాన్ని మొదటి ప్రాధాన్యతగా తీసుకోవాలని కోరారు.అలా జరగకపోతే డిసెంబర్ 8న జంతర్ మంతర్ వద్ద మహా ధర్నా, 9న పార్లమెంట్ ముట్టడి చేపడతామని హెచ్చరించారు.
ప్రధాన కార్యదర్శి చిలుకమారి శ్రీనివాస్, ఇప్పలపల్లి చంద్రశేఖర్, ఉపాధ్యక్షులు వడ్నాల ప్రభాకర్, తాళ్లపల్లి రమేష్, అఖిలపక్ష నాయకులు తాళ్లపల్లి శ్రీనివాస్, భీమగోని సురేష్, ప్రజాసంఘాల నాయకులు చీకట్ల సమ్మయ్య, తాళ్లపల్లి అమరేందర్, పంజాల రామ్ శంకర్, గోస్కుల నాగమణి, మధుకర్, పంజాల వెంకటేశ్వర్లు, ఇతర ప్రజాసంఘాల ప్రతినిధులు, మేధావులు, యువకులు పాల్గొన్నారు.
