అల్ఫోర్స్ కు అత్యుత్తమ సీబీఎస్ఈ పాఠశాల అవార్డు

కాకతీయ, కరీంనగర్ : రాష్ట్ర విద్యారంగంలో విశిష్ట సేవలందిస్తున్న అల్ఫోర్స్ విద్యాసంస్థలు మరో ఘనత సాధించాయి. గ్లోబల్ ట్రయంఫ్ ఫౌండేషన్ ఆధ్వర్యంలో హైదరాబాద్‌లో జరిగిన ఇండియా కాంక్లేవ్ కార్యక్రమంలో అల్ఫోర్స్ కు అత్యుత్తమ సీబీఎస్ఈ పాఠశాల అవార్డు లభించింది. ఈ సందర్భంగా సంస్థ అధినేత డాక్టర్ వి. నరేందర్ రెడ్డి మాట్లాడుతూ.. విద్యార్థులకు నాణ్యమైన విద్య, ఉత్తమ ప్రమాణాలు అందించడం తమ ప్రధాన ధ్యేయమని, అల్ఫోర్స్ విద్యార్థులు ఐఐటీలు, ఐఐఎంలు, ఎయిమ్స్, సీఏ వంటి ప్రతిష్ఠాత్మక పరీక్షల్లో ప్రతిభ చాటుతున్నారని తెలిపారు. ఈ విజయానికి సిబ్బంది కృషి, తల్లిదండ్రుల సహకారమే కారణమని, ఈ అవార్డు వారి అందరికీ అంకితం చేస్తున్నానని అన్నారు. అవార్డు లభించిన సందర్భంగా తల్లిదండ్రులు, ఉపాధ్యాయులు, విద్యార్థులు, రాజకీయ నాయకులు నరేందర్ రెడ్డి కృషిని అభినందించారు.