- ఏకశిల హాస్పిటల్‌లో అత్యాధునిక ఓ సి టి మిషన్ ఆవిష్కరణ
కాకతీయ, వరంగల్ బ్యూరో : వరంగల్ నగరం వైద్య సేవల్లో మరో మైలురాయి చేరుకుంది. హన్మకొండలోని ఏకశిల హాస్పిటల్‌లో అత్యాధునిక ఓ సి టి (ఆప్టికల్ కోహరెన్స్ టోమోగ్రఫీ) స్టంట్ మిషన్‌ను శుక్రవారం ఆవిష్కరించారు. ఈ మిషన్‌ను హాస్పిటల్ ఎండి డా. జి. రమేష్ ఆధ్వర్యంలో చైర్మన్ కరుణాకర్ రెడ్డి చేతుల మీదుగా ప్రారంభించారు. ఈ సందర్భంగా వైద్యులు మాట్లాడుతూ.. ఈ మిషన్ ద్వారా గుండె ఎంజియోగ్రామ్ సమయంలోనే రక్తనాళాల లోపలి భాగాలను అత్యంత స్పష్టంగా చూడవచ్చని తెలిపారు. రక్తనాళాల్లో ముసుకుపోయిన లేదా క్లిష్టంగా ఉన్న ప్రాంతాలను క్షుణ్ణంగా అంచనా వేసి, వేయాల్సిన స్టంట్ సైజ్‌ను ఖచ్చితంగా నిర్ణయించేందుకు ఓ సి టి సాంకేతికత ఎంతో ఉపయుక్తమని తెలిపారు.
గతంలో స్టంట్ సైజ్‌ను అంచనా వేయడంలో ఖచ్చితత్వం లోపించడం వల్ల 10 నుంచి 15 శాతం స్టంట్లు మూసుకుపోయే ప్రమాదం ఉండేదని, అయితే ఓ సి టి మిషన్ సహాయంతో రక్తనాళాలను ప్రత్యక్షంగా వీక్షిస్తూ, సరైన కొలతలతో, సరైన స్థానంలో స్టంట్ అమర్చడం సాధ్య మవుతుందని తెలిపారు. దీంతో పాత పద్ధతుల్లో జరిగే లోపాలను నివారించవచ్చని చెప్పారు. ఓ సి టి మిషన్ ద్వారా వరంగల్ ప్రాంత ప్రజలకు గుండె సంబంధిత చికిత్సలు మరింత ఖచ్చితంగా, సురక్షితంగా అందనున్నాయని హాస్పిటల్ వర్గాలు తెలిపాయి. కార్యక్రమంలో ప్రముఖ కార్డియాలజిస్టులు డా.అనిల్, డా.రామకృష్ణారెడ్డి, డా.మధు, డా.వెంకన్న, డా.మల్లికార్జున్, డా.మాధవి, డా.లావణ్య (జనరల్ మేనేజర్), వైద్య సిబ్బంది పాల్గొన్నారు.
 స్ట){kind=link}