వరంగల్ రైల్వే స్టేషన్ లో తప్పిన పెను ప్రమాదం..!!

కాకతీయ, వరంగల్: వరంగల్ రైల్వే స్టేషన్ లో పెను ప్రమాదం తప్పింది. ఓ గూడ్స్ రైలు..గోదాములో యూరియా బస్తాలను డంప్ చేస్తి..తిరిగి వెళ్తున్న క్రమంలో రైల్వే స్టేషన్ ప్రాంగణంలో గోడను ఢీకొట్టింది. ఈఘటనలో గోడ పూర్తిగా ధ్వంసం అయ్యింది. అయితే ఈ ఘటనలో ఎవరికీ ప్రమాదం జరిగకపోవడంతో అంతా ఊపిరి పీల్చుకున్నారు. ఒక్కసారిగా గూడ్స్ రైలు వెనక నుంచి గోడను ఢీకొట్టడంతో ప్రయాణికులు పరుగులు పెట్టారు. ప్రమాద ఘటనపై రైల్వే అధికారులు విచారణకు ఆదేశించారు. ప్రమాదానికి గల కారణాలు ఇంకా తెలియాల్సి ఉంది.