చిన్నారుల్లో ఆత్మవిశ్వాసం పెంపే లక్ష్యం
నారాయణ స్కూల్లో ఘనంగా గ్రాడ్యుయేషన్ డే
వరంగల్ జోన్ డీజీఎం రిజ్వాన ఇమ్రాన్
కాకతీయ, జనగామ: చిన్నారుల్లో ఆత్మవిశ్వాసం పెంపొందించేందుకు గ్రాడ్యుయేషన్ డే వేడుకలు ఎంతో ఉపయోగపడతాయని వరంగల్ జోన్ డీజీఎం రిజ్వాన ఇమ్రాన్ తెలిపారు. ప్రీస్కూల్ దశ నుంచి క్రమబద్ధమైన విద్యా విధానంలోకి అడుగుపెట్టే ఈ దశ ఎంతో ముఖ్యమని చెప్పారు. జనగామ పట్టణంలోని నారాయణ స్కూల్ ఈ కిడ్స్ విభాగంలో గ్రాడ్యుయేషన్ డే వేడుకలను ఘనంగా నిర్వహించారు. పాఠశాల ప్రిన్సిపల్ ఫర్హాన ఆధ్వర్యంలో ఈ కార్యక్రమం జరిగింది. ఈ కిడ్స్ ఆర్ అండ్ డి హెడ్ సంగీత పాల్గొన్నారు. రిజ్వాన ఇమ్రాన్ మాట్లాడుతూ ఆటల పాటలతో నేర్చుకోవడం ద్వారా చిన్నారుల్లో సృజనాత్మకత పెరుగుతుందని తెలిపారు. ఈ వేడుకలు పిల్లలకు ఆత్మవిశ్వాసాన్ని పెంచుతాయని చెప్పారు. ఈ సందర్భంగా చిన్నారులకు క్యాప్ గౌన్ ధరింపజేసి సర్టిఫికెట్లు, మెడల్స్ అందజేశారు. విద్యార్థులు ప్రదర్శించిన సాంస్కృతిక కార్యక్రమాలు ఆకట్టుకున్నాయి. ఈ కార్యక్రమంలో కోఆర్డినేటర్లు సాయి కృష్ణ, శిరీష, శ్యామల, వైస్ ప్రిన్సిపల్స్ శ్రీలేఖ, రేణుక, అకడమిక్ డీన్ విక్రమ్, ఏఓబిఎన్ చారి, అధ్యాపక బృందం పాల్గొన్నారు.
