శాంతి ర్యాలీని జయప్రదం చేయాలి

శాంతి ర్యాలీని జయప్రదం చేయాలి
అఖిలపక్ష పార్టీలు, ప్రజాసంఘాల పిలుపు
ఏప్రిల్ 4న మణుగూరులో శాంతి ర్యాలీ
అఖిలపక్ష నేతల విజ్ఞప్తి

కాకతీయ,మణుగూరు టౌన్ : ప్రపంచ శాంతి కోసం యుద్ధాలను వ్యతిరేకిస్తూ ప్రజలందరూ ముందుకు రావాలని అఖిలపక్ష పార్టీలు, ప్రజాసంఘాల నాయకులు పిలుపునిచ్చారు. మణుగూరు పట్టణంలోని స్నేహ గార్డెన్ ఫంక్షన్ హాల్‌లో ఆదివారం నిర్వహించిన మీడియా సమావేశంలో నాయకులు మాట్లాడారు. ఏప్రిల్ 4న మణుగూరులో నిర్వహించనున్న యుద్ధ వ్యతిరేక శాంతి ర్యాలీని విజయవంతం చేయాలని కోరారు.

ప్రపంచ పరిస్థితులపై ఆందోళన

ప్రపంచ వనరులపై ఆధిపత్యం కోసం కొన్ని దేశాలు యుద్ధాలకు దిగుతున్నాయని తెలిపారు. అంతర్జాతీయ న్యాయ సూత్రాలను, ఐక్యరాజ్య సమితి నిబంధనలను పక్కనబెట్టి ఏకపక్ష చర్యలు కొనసాగుతున్నాయని విమర్శించారు. ఇలాంటి యుద్ధాల వల్ల ఆయా దేశాల ప్రజలతో పాటు ప్రపంచ ప్రజలందరూ ఇబ్బందులు ఎదుర్కొనే పరిస్థితి ఏర్పడుతుందని అన్నారు.

ధరల పెరుగుదలపై ప్రభావం

యుద్ధాల ప్రభావం భారతదేశంపై కూడా పడుతుందని పేర్కొన్నారు. ఇంధన కొరత, ధరల పెరుగుదలతో సామాన్య ప్రజలు తీవ్ర ఇబ్బందులు పడుతున్నారని తెలిపారు. పరిస్థితి ఇలాగే కొనసాగితే జీవన వ్యయం మరింత పెరిగే ప్రమాదం ఉందని హెచ్చరించారు.
ఈ నేపథ్యంలో ఏప్రిల్ 4న సాయంత్రం మణుగూరులో జరిగే శాంతి ర్యాలీలో ప్రజలందరూ పాల్గొని విజయవంతం చేయాలని విజ్ఞప్తి చేశారు.
ఈ సమావేశంలో సరెడ్డి, పుల్లారెడ్డి, డి. సుధాకర్, నెల్లూరు నాగేశ్వరరావు, ఏ. చంద్రారెడ్డి, ఎం. మోహన్ రావు, ఆర్. మధుసూదన్ రెడ్డి, ఎండి రఫీ తదితరులు పాల్గొన్నారు.