ప్రజాసేవే లక్ష్యంగా కాంగ్రెస్లోకి డాక్టర్ సూరంజన్
నిరుపేదల వైద్యుడిగా గుర్తింపు పొందిన ప్రముఖుడి చేరిక
రేవంత్ రెడ్డి నాయకత్వమే ప్రేరణ
కాకతీయ, జమ్మికుంట : జమ్మికుంట పట్టణంలో నిరుపేదల వరంగా పేరుగాంచిన ప్రముఖ వైద్యుడు డాక్టర్ సూరంజన్ *భారత జాతీయ కాంగ్రెస్*లో చేరారు. ఈ చేరిక రాజకీయంగా, సామాజికంగా ప్రాధాన్యం సంతరించుకుంది. ఏళ్లుగా పేదలకు ఉచితంగా వైద్యం అందిస్తూ వందలాది కుటుంబాలకు ఆశగా నిలిచిన డాక్టర్ సూరంజన్… ప్రజాసేవను మరింత విస్తృతంగా కొనసాగించాలనే సంకల్పంతో కాంగ్రెస్ పార్టీలో చేరినట్లు తెలిపారు. కాంగ్రెస్ ప్రభుత్వం అమలు చేస్తున్న ప్రజాహిత సంక్షేమ పథకాలు, ముఖ్యంగా ముఖ్యమంత్రి రేవంత్ రెడ్డి నాయకత్వంలో పేదల జీవితాల్లో వస్తున్న మార్పులు తనను ఆకట్టుకున్నాయని అన్నారు. అలాగే హుజురాబాద్ నియోజకవర్గ కాంగ్రెస్ ఇన్చార్జ్ ఒడితల ప్రణవ్ ఆధ్వర్యంలో జరుగుతున్న అభివృద్ధి, ప్రజాసేవా కార్యక్రమాలు పార్టీ వైపు ఆకర్షించాయని పేర్కొన్నారు. ఇకపై వైద్యుడిగా చేసిన సేవలను ప్రజాప్రతినిధిగా మరింత బలంగా కొనసాగిస్తానని, జమ్మికుంట మున్సిపాలిటీ పరిధిలో ఆరోగ్యం, పరిశుభ్రత, విద్య, మౌలిక వసతుల అభివృద్ధికి అంకితభావంతో పనిచేస్తానని డాక్టర్ సూరంజన్ హామీ ఇచ్చారు.
